"Report" xəbər verir ki, bunu Səhiyyə Nazirliyinin Elmi Tədqiqat Hematologiya və Transfuziologiya İnstitutunun direktoru Zöhrə Əlimirzəyeva keçirdiyi mətbuat konfransında deyib.

O qeyd edib ki, ötən il nikahqabağı müayinədən 135990 nəfər keçirilib: "Onlardan 3891 nəfərdə talassemiya daşıyıcılığı, 449 nəfərdə sifilis, 119 nəfərdə QIÇS aşkar edilib. Hər ikisində talassemiya daşıyıcılığı olan cütlüklərin sayı 41 olub. Bu cütlüklərin 39-u instituta müraciət edib, 22 nəfərə hamiləlik zamanı prenatal diaqnostika aparılıb".

İnstitut direktoru əlavə edib ki, 2015-ci il iyunun 1-dən indiyədək 373680 nəfər müayinədən keçib: "Onların 14364-də talassemiya daşıyıcılığı, 1349-da sifilis, 293-ündə QIÇS təyin edilib. Hər ikisində talassemiya daşıyıcılığı olan cütlüklərin sayı 134 olub. Bu cütıüklərin 86-sı instituta müraciət edib, 44 nəfərə hamiləlik zamanı prenatal diaqnostika aparılıb. Onlardan 11 xəstə, 26 daşıyıcı və 7 sağlam döl müəyyənləşdirilib".