Sozcu.info xəbər verir ki, Rusiya xarici işlər naziri Sergey Lavrov ABŞ prezidenti Donald Trampın rusiyalı həmkarı Vladimir Putini Ağ Evə dəvət etdiyini bildirib. Tramp Putinlə telefon söhbətində onu Ağ Evdə qəbul etməkdən məmnun olacağını bildirib. Putin də görüşə hazır olduğunu söyləyib.

Xatırladaq ki, ABŞ lideri Tramp ötən həftə "Tvitter”dəki səhifəsində belə yazmışdı: "Rusiya Suriyanı hədəfə alan raketləri vuracağına söz verib. Hazırlaş, Rusiya, çünki onlar gəlirlər. Üstəlik gözəl, yeni və "ağıllıdırlar”! Öz xalqını öldürən və bundan zövq alan, qazla öldürən heyvan ilə əməkdaşlıq eləməməlisən!”

Bu sözlərdən sonra ABŞ, İngiltərə və Fransa Suriyadakı kimyəvi silah müəssisələrinə birgə raket hücumu etmişdilər.