Afrindən sonra Şimali İraq xalqı da mehmetciyi bağrına basıb. PKK terror təşkilatının əsas bazalarından Qəndilə doğru irəliləyən mehmetcik Qəndil ətəkləri, Hakurk və onun ətrafındakı kəndlərdə terrordan bezən xalqın sevgisi ilə qarşılanıb.

Türk ordusu onu xoş qarşılayan xalqa bu kəndlərdə iftar və sahur yeməkləri verib. Afrində baş verən mənzərənin eynisinin bu bölgədə baş verdiyini bildirən polkovnik Coşkun Başbuğ deyib:"Mehmetciyin niyyət və məqsədini bölgə və dünya çox yaxşı başa düşüb. Terrordan bezən bölgə xalqı türk əsgərini xilaskar kimi görür”.