Fransada keçirilən prezident seçkilərində “exit-poll”un nəticələri məlum olub.
APA-nın Fransa televiziyasına istinadla xəbərinə görə, seçicilərin 28,1%-i hazırki prezident Emmanuel Makrona səs verib.
Onun əsas rəqibi Marin Le Pen 23,3% səs toplayıb.
Beləliklə, hər 2 namizəd ikinci turda mübarizə aparmalı olacaqlar.
Digər namizəd, Jan-Lük Melanşona seçicilərin 20,1%-i etimad göstərib.
Qeyd edək ki, Fransada prezident seçkilərinin ikinci turu aprelin 24-də keçiriləcək.
***
Fransada prezident seçkilərinin birinci turunda Emmanuel Makron və ultra sağçı Milli Birlik Partiyasının lideri Marin Le Pen öndədir.
“Report” xəbər verir ki, bu barədə Belçikanın “LaLibre” nəşri əldə etdiyi exit-poll məlumatlarına istinadən məlumat yayıb.
Belə ki, son məlumatlara görə, Makron 24,7 faiz, Le Pen 23,5 faiz səs toplayır. Digər namizəd, Jan-Lük Melanşona seçicilərin 19%-i səs verib.
Qeyd edək ki, Fransa seçiciləri ölkə prezidentliyinə 12 namizəddən birinə səs verirlər. Ölkənin 49 milyondan çox vətəndaşının səsvermə hüququ var.
Fransada səsvermə bitməmiş sorğuların dərcinə qadağa qoyulub. Bunun üçün cəza 75.000 avrodur.