III Şuşa Qlobal Media Forumu Azərbaycanın media, diplomatiya və qlobal gündəlikdəki fəal rolunun nümayiş etdirildiyi mühüm beynəlxalq platformadır. Prezident cənab İlham Əliyevin çıxışı təkcə medianın inkişafı ilə bağlı deyil, eyni zamanda Azərbaycanın regional və qlobal proseslərdəki strateji mövqeyini, iqlim dəyişikliyi, enerji siyasəti, nəqliyyat layihələri və post-münaqişə dövründəki əsas prioritetlərini əhatə edir. Bu çıxışda aşağıdakı başlıca istiqamətlər diqqət çəkir:

Prezident cənab İlham Əliyev Azərbaycanın kömür və neftdən asılı olmadan elektrik enerjisi istehsal etdiyini və 2030-cu ilə qədər 6 giqavatlıq yaşıl enerji layihələrinin həyata keçiriləcəyini vurğuladı. COP29-da iqlim maliyyəsinin 100 milyard  ABŞ dollarından 300 milyard ABŞ dollara qədər artırılması və karbon bazarlarının aktivləşdirilməsi Azərbaycan sədrliyinin uğurlarından biri kimi təqdim olundu.

     Azərbaycanın geosiyasi mövqeyindən səmərəli istifadə edərək əsas tranzit Forumun Şuşada keçirilməsini Azərbaycanın suverenliyinin bərpasının və Qarabağın reinteqrasiyasının simvolu kimi təqdim etdi. Konqres Mərkəzinin Xankəndidə – keçmiş separatçıların “parlament” adlandırdığı binanın yerində inşası və yaxınlıqda “Qələbə Muzeyi”nin qurulması bu ərazilərin siyasi və ictimai yenidən formalaşdırılmasının bariz nümunəsidir. Forumda bərpa işlərinin miqyası – məktəblərin, infrastrukturun və ictimai obyektlərin tikintisi – əyani şəkildə göstərildi.

     Azərbaycanın ev sahibliyi etdiyi COP29 konfransı ölkənin ekoloji və qlobal iqlim təşəbbüslərində ön sırada olduğunu nümayiş etdirdi. Prezident ölkəyə çevrilmək hədəfi Forumda dəfələrlə vurğulandı. Zəngəzur dəhlizi təkcə Naxçıvanla əlaqənin bərpası deyil, həm də Mərkəzi Asiya – Avropa arasında yeni strateji körpünün qurulmasıdır. Bakı Limanının genişləndirilməsi, Bakı-Tbilisi-Qars dəmir yolunun tam gücdə işləməsi, İran və Türkiyə ilə əlaqələrin möhkəmləndirilməsi regionda Azərbaycanın nəqliyyat liderliyini göstərir.

     Qarabağ münaqişəsinin başa çatması ilə Cənubi Qafqazda sabitliyin və inkişafın bərpası üçün real şərait yarandığı qeyd edildi. Prezidentin cənab İlham Əliyev  çıxışında vurğulandı ki, Azərbaycan bu sabitliyi iqtisadi və diplomatik platformalar vasitəsilə gücləndirməyə hazırdır. İndi əsas diqqət informasiya texnologiyaları, süni intellekt və innovasiyalar sektoruna yönəlmişdir.

      Çıxışda ABŞ, Çin, Avropa İttifaqı və regional qonşularla münasibətlərə toxunuldu. Tramp Administrasiyası ilə münasibətlərin yaxşılaşması, Çinlə “Hərtərəfli Strateji Tərəfdaşlıq”, Avropa ilə enerji əməkdaşlığı Azərbaycanın çoxşaxəli diplomatik fəaliyyətinin göstəricisidir. Azərbaycanın həm Avropa, həm də İslam dünyasında fəal iştirakı, eyni zamanda ECO və Qoşulmama Hərəkatındakı sədrliyi ölkənin nüfuzunu artırıb.

     Prezident cənab İlham Əliyev Qərb mediasının Azərbaycana qarşı qərəzli münasibətini sərt tənqid etdi. Saxta xəbərlər, erməni lobbi təsiri və ikili standartlar üzə çıxarıldı. Azərbaycan həqiqətləri yaymaq üçün Forum kimi tədbirləri səmərəli vasitə hesab edir və jurnalistləri birbaşa regiona dəvət etməklə obyektivliyə çağırır.

      Prezidentin  çıxışında şəxsi və milli qürur məsələləri, xüsusən atasının vəsiyyətini yerinə yetirməsi, xalqla həmrəylik, “heç vaxt təslim olmamaq” prinsipinə sadiqlik diqqət 

çəkdi. Bu hissələr yalnız siyasi deyil, həm də mənəvi-milli kimlik mesajları ehtiva edir və Azərbaycan xalqının milli ruhunu əks etdirir.

      III Şuşa Qlobal Media Forumu Prezident cənab İlham Əliyevin rəhbərliyi ilə Azərbaycanın daxili və xarici siyasət kursunun aydın təqdim olunduğu, qlobal məsələlərə milli baxışın və regional liderlik iddiasının ifadə edildiyi mühüm tribunaya çevrilmişdir. Forumun əsas nəticələri Azərbaycanın beynəlxalq nüfuzunun artması, yaşıl enerjiyə keçidin sürətlənməsi, Qarabağın yenidənqurulması və Cənubi Qafqazda yeni reallıqların təşəkkül tapması ilə bağlıdır.

Könül Hüseynova

Suraxanı rayonu, 114 nömrəli tam orta məktəbin direktoru

Sozcu.info