Ukrayna münaqişəsi bu gün Türkiyə Prezidenti Rəcəb Tayyib Ərdoğanın sədrliyi ilə Nazirlər Kabinetinin iclasında müzakirə olunacaq.

Sozcu.info xəbər verir ki, bu barədə “RİA Novosti”yə Türkiyə Prezident Administrasiyasındakı mənbə deyib.

“Ukraynadakı münaqişənin həlli məsələsi daim cənab prezidentin diqqət mərkəzindədir. Mövcud vəziyyət və İstanbul danışıqlarının bərpası ilə bağlı təşəbbüslər bugünkü Nazirlər Kabinetinin iclasında müzakirə olunacaq”, - o bildirib.