Son zamanlar Azər­baycanda Prezident İl­ham Əliyevin həyata ke­çirtdiyi islahatlar müsbət nəticə vermək­dədir və aydın olan bu­dur ki, bu proses da­vamlı olacaq. Qısa müddət ərzində bir sıra məmurların həbs olun­ması, bəzilərinin iste­faya göndərilmələri bu­nu sübut edir. Aydınlaşır ki, ölkədə şəffaflıq təmin edilir və korrupsiyaya qarşı uğurlu işlər görülür.
Bu baxımdan son za­manlar sahibkarlarada im­kanlar yaradılır. Elə Prezi­dentin son çıxışında da bu fakt öz təsdiqini tapdı. Pre­zident çıxışında açıq şəkil­də bunları bəyan etdi: “Əf- suslar olsun ki, bəzi rayon­larda sahibkarlar incidilir, onlar qarşısında süni əngəl­lər yaradılır, onlardan yerli icra orqanları tərəfindən rüşvət, pay tələb olunur. Bu­na qətiyyən yol vermək ol­maz və bu məsələlərə çox ciddi nəzarət olmalıdır. Sa­hibkarlar dövlət məmurları tərəfindən yalnız dəstək, kömək görməlidirlər və sa­hibkar ancaq dövlətin vergi­sini ödəməlidir. Bundan başqa heç kimə heç bir və­sait ödənilməməlidir”. Pre­zidentin bu çıxışından so­nra redaksiyamıza dörd sa­hibkar ərizə ilə müraciət et­dilər. Yazılanlara diqqət ayırsaq görərik ki, bu gün yerində olmayan və əməllə­rində korrupsiya işarələri olan məmurlardan biridə Şəki rayonunun icra haki­miyyətinin başçısı Elxan Usubovdur.
Gəlin Şəkinin yerli “ağa­sı” Elxan Usubovla bağlı ya­zılanlara baxaq. Şikayətçi Qurban Soltanov bildirir ki, o uzun müddət sahibkarlıq­la məşğul olub və əsasən fermer təsərrüfatına üstünlük verib. Amma 2019- cu ildə 15 ailəni işlə təmin edən Qurban Soltanov çıxıl­maz duruma düşüb. Şikay­ətçi bildirir ki, 2019-cu ildə başçı Elxan Usubov onu ya­nına çağıraraq Prezident Admnistrasiyasında çalışan mühüm post sahibinin adın­dan danışaraq 60 hektarlıq ərazini təhvil verməyi tələb edib. Bundan başqa bu və digər sahibkarları hər za­man baş prokurorun keçmiş birinci müavini Rüstəm Usubovun adından şantaj edərək istəyinə nail olub. Xatırladaq ki, başçı Rüstəm Usubovla yaxın qohumdur. Bunu da qeyd edək ki, baş­çı bildirib ki, bu torpaq Aq- roparkın yaradılması üçündür. Dövlət maraqlarını nəzərə alan sahibkar be­ləcə aldadılır və qısa müddətdən sonra aydın olur ki, torpaq “Azərarqo” şirkəti­nə verilib. Bunu görən sa­hibkar nə qədər şikayət et- sədə nəticəsi olmayıb. Ək­sinə başçı onu həbs etdir­məklə hədələyib.

Başqa bir şikayətçi isə Hənəfi Məcidovdur. Hənəfi Məcidovda təsərrüfatla mə­şğul olurmuş. 2 min baş qoyun saxlayan sahibkar həm də taxıl becərirmiş. Və bu işləri 230 hektar ərazidə həyata keçirirmiş. 25 ailəni işlə təmin edən sahibkarın torpaq ərazisi 15 illik müqa­vilə ilə ona verilibmiş. Am­ma 2018-ci ildə müqavilə­nin vaxtı bitdiyindən yeni­dən ərizə ilə icra haki- miyyyətinə müraciət edir. Amma başçı Elxan Usubov bu sahibkarıda aldada bilir. O sahibkara bildirir ki, əkin sahəsini daha ona verə bil­məz. Səbəb isə budur ki, Prezidentin tapşırığı ilə hə­mən ərazi də Aqropark sa­lınmalıdır. Sahibkar bunun­la razılaşır. Amma sonra ay­dın olur ki, bu ərazidə baş­qa şirkətə verilib və hazırda bu ərazidə icra başçısının özü təsərüfat yaradıb. Buna narazılığını bildirən Hənəfi Məcidovda həbs olunmaqla qorxudulub və şikayətləri qəbul olunmayıb.
Elxan Usubovun əməlləri bununla sona çatmır. O hət­ta Prezidentin “Tərəqqi” or­deni verdiyi başqa bir sa­hibkar Mənəfov Novruzuda aldatmağa nail olur. 450 hektar ərazidə əkinçiliklə məşğul olan sahibkarın qa­pısı 2018-ci ildə döyülür. El­xan Usubov sahibkara bildi­rir ki, bu ərazidə Aqropark salınmalıdır.
Buna görə torpağı təhvil verməlisən. Sahibkar isə Prezidentin tapşırığı ol­duğunu düşünərək bununla razılaşır və 49 illik müqavi­ləsinin olmasına, əkin əra­zisinə küllü miqdarda pul qoymasına baxmayaraq başçı ilə razılaşmalı olur. Amma bir müddətdən sonra görürkü aldadılıb. Buna gö­rə dəfələrlə icra başçısına şikayət etsədə xeyri olmur. Elxan Usubov sahibkarı Rüstəm Usubovun adından hədələyir və həbsə atdı­racağını bildirir. Sahibkar deyir ki, bu günə qədər qor­xusundan məsələni gündə­mə gətirə bilməyib. Amma Prezidentin sahibkarlara dəstək verdiyini görəndən sonra məsələni gündəmə gətirib. Sahibkar hesab edir ki, Şəkidə ciddi yoxlamalar aparılarsa Elxan Usubovun da axırı bəzi icra başçıları Sahibkar kimi həbsxana olacaq.
Başqa həm gülməli həm- də ağlamalı hadisə fermer təsərrüfatının sahibi Aydın Heydərovun başına gəlib. Gəlin sahibkarın müraciəti­nə diqqət ayıraq:”Mən 1999-cu ildən qoyunçuluq və taxılçılıqla məşğul olu­ram. Fermer təsərrüfatının qışlaq ərazisi Şəki rayonun­da yerləşir. Mənə verilmiş müqavilənin müddəti isə 2022-ci ildə başa çatacaq. Buna baxmayaraq mənə təhkim olunmuş ərazinin 140 hektarı nın əkinə yarar­lı sahəsi 2018-ci ildən “Azə­rarqo” şirkətinə verilib. Ancaq həmən ərazinin ica­rə haqqını yenə mən ödəyi­rəm. Həmən əraziyə eyni zamanda başqa şirkətin adına çıxarış verilib. Bu ha­qda mənə heç bir məlumat verilmədən 2020-ci ilin av­qust ayının birində Şəki Re­gional Yer Quruluşu və Ka­dastr İdarəsinin və “Azərar­qo” şirkətinin əməkdaşları tərəfindən heç bir hektar əkinə yararlı torpaq sahəsi­ni saxlamadan mərz işarəsi qoyulub. Amma müqaviləyə əsasən 21 hektar yem bitki­ləri, 50 hektar isə taxıl ək­mək üçün səlahiyyətim var”. Beləcə Aydın Heydərov açıq şəkildə icra başçısının tələsinə düşüb.
Bunu da qeyd edək ki, Prezident İlham Əliyevin dünya ölkələrinin qabaqcıl təcrübəsinin ölkəmizə gətirilməsi, müasir texnologiya­ların tətbiqinə əsaslanan is­tehsal, emal, infrastruktur sahələrinin yaradılması isti­qamətində verdiyi göstəriş­lər, tapşırıqlar Azərbaycan iqtisadiyyatının daha da şa- xələnməsini təmin edib. Bu xüsusda onu da vurğulaya bilərik ki, kiçik və orta sahib­karlıq subyektlərinə göstəri­lən diqqət və qayğı bu pro­sesi daha da genişləndirib.
Ötən ilin dekabrında döv­lət başçısının kiçik və orta sahibkarlığın inkişafına döv­lət dəstəyinin daha da gücləndirilməsinə dair im­zaladığı mühüm fərman İl­ham Əliyevin bu sahəyə nə qədər diqqət göstərdiyini bir daha təsdiqlədi.¹’’Dövlət sa­hibkarlar üçün ən yaxşı tə­rəfdaşdır”, - deyən Azər­baycan Prezidenti hələ bir neçə il öncə hər bir sahə üzrə konkret proqramları, planların və böyük maliyyə resurslarının olduğunu söy­ləyəndə məhz belə layihələ­ri nəzərdə tuturdu.
Amma təssüflər ki, Elxan Usubov kimi icra başçıları sahibkarların haqqını tapda­layır, bölgələrdə əhalini ha­kimiyyətə qarşı yönəldirlər. Ancaq inanırıq ki, sahibkar­ların səsi eşidiləcək və El­xan Usubova qarşı lazımi addımlar atılacaq. Qarşı tə­rəfin mövqeyini dərc etməyə hazırıq.
“Cəmiyyət” araşdırma qrupu