Əvvəlki Sonrakı

Qəzaya düşən təyyarədəki hərbçilərin sayı bilindi

11-11-2025, 20:04

Saxlanılan icra başçısının köməkçisi DANIŞDI

31-10-2025, 14:12

Ramiz Mehdiyevlə Əli Kərimlini birləşdirən “dəyər” - Azərbaycanın ideoloji sərhədi xarici təsirlərdən azad olmalıdır

30-10-2025, 23:05

İcra başçısı ilə yanaşı onlar da HƏBS EDİLDİ

30-10-2025, 16:39

Mehdiyevin ailə üzvlərinin ölkədən çıxışına “stop” qoyulub -ÖZƏL

17-10-2025, 18:29

GƏNCƏ APELLYASİYA MƏHKƏMƏSİNDƏ BİABIRÇILIQ

 

Bir xeyli əvvəl Gəncə şəhərində ölümlə nəticələnən mübahisə ilə bağlı maraqlı məqamlar ortaya çıxıb. JAMAZ.İNFO xəbər verir ki, 15 sentyabr 2018-ci ildə baş vermiş hadisə Daşkəsən rayon Almalı kənd sakini, 20 yaşlı Asəf İsayevlə Şəmkir rayon sakini Bahadur Qasımov arasında baş verib.

Belə ki, Bahadur Qasımovun bacısı qızı Asif İsayev tərəfindən qaçırılıb. Lakin bir həftə sonra İisayev qızı geri qaytarıb. Məsələ ilə bağlı qızın valideynləri bir neçə dəfə qızı qaçıran şəxslə görüşməyə, problemin nədən qaynaqlandığını araşdırmağa, habelə qızla oğlanı barışdırmaq üçün danışmağa çalışıblar. Lakin bütün cəhdlər nəticəsiz qalıb.

Cinayət işində müttəhim qismində qeyd olunan Bahadur Qasımovun qardaşı Şakir Qasımov bununla bağlı JAMAZ.İNFO-ya açıqlama verib. O bildirib ki, rəsmi məlumatda yazılanlar həqiqəti əks etdirmir. Onun sözlərinə görə, qardaşı Bahadur Rusiyada yaşayıb və Şəmkirə gəldikdən sonra bacısı qızının başına gələnlərdən xəbər tutub. Bununla bağlı, Asif İsayevlə görüşmək istəyib. Hətta görüşə qədər Asifə xəbər göndərib ki, əgər hər hansı maddi və mənzil problemi varsa, onu həll etməyə hazırıdır. "Qardaşımın Gəncədə evi vardı. Onu bacım qızı ilə Asifə verməyə hazır idi. Deyirdi ki, iş məsələsi də problem deyil və o, bu məsələni həll edə bilər. Asif İsayevlə görüşə getməkdə məqsədi də yaranmış vəziyyəti düzəltmək, problemi aradan qaldırmaq olub. Rəsmi məlumatda yazılır ki, guya, qardaşım Aasiflə Gəncədə evdə görüşüb. Yalandır. Qardaşım onunla Asifgilin evinin yaxınlığında görüşüb. Hətta görüşdən əvvəl onun valideynlərini, ağsaqqallarını da görüşə çağırıb ki, birlikdə problemi yoluna qoysunlar. Ancaq görüşə tək Asif gəlib”.

Şakir Qasımov deyir ki, görüş zamanı qardaşım Asifdən xahiş edib ki, daşı ətəyindən töksün. "Ona bütün köməklikləri etməyə hazır olduğunu bildirib. Biz istəmirdik ki, Şəmkirdə adımız pisə çıxsın. Çünki günah bizdə deyildi, Asif qızı tək yox, anası və daha bir neçə nəfərlə qaçırmışdı. Sonra da geri qaytarmışdı. Saytlar yazırdı ki, guya, biz gedib qızı gətirmişik. Yalandır, onlar özləri qızı qovublar. Bizə maraqlı olan o idi ki, axı, bu adamların bizlə nə düşmənçiliyi var. Heç onları tanımırdıq da”.

Hadisənin necə baş verməsi ilə bağlı danışan ittiham olunan şəxsin qardaşı deyir ki, Asifin ölümü təsadüf baş verib. "Qardaşım görüşə kimisə öldürmək üçün getməmişdi. Əksinə, barışıq əldə etmək üçün çalışırdı. Adam öldürməyə gedən adam öldürəcəyi adamın valideynlərini, ağsaqqallarını görüşə çağırardımı? Bıçaq da Asifə məxsus olub, hətta qardaşıma silah çəkən də o olub. Bunu təsdiq edən 25 nəfər adam var. Lakin istintaq onların heç birini dəvət edib, ifadəsini almayıb”.

Şakir Qasımıv deyir ki, qardaşı Bahdurla Asif Gəncədə görüşüblər və mübahisənin səbəbkarı da elə ölən şəxsin özü olub. Onun sözlərinə görə, qardaşı hər vəchlə problemi aradan qaldırmağa çalışsa da, Asif onu təhqir etməyə, alçaltmağa çalışıb. "Bahadur əsəbi və ya qəddar biri olmayıb. Asif görüşdə onu təhqir edib. Deyib ki, istəsə onun özünü də zorlaya bilər. Bu təhqirlərə dözməyən Bahadurla aralarında mübahisə yaranıb. Həmin vaxt Asif İsayev cibindən bıçaq çıxarıb və qardaşıma hücum çəkib. Qardaşım özünü müdafiə etmək üçün yerdən ağac tapıb. Sonra isə iş gəlib əlbəyaxa davaya çıxıb. Asif bir neçə dəfə qardaşıma bıçaq atsa da, onu vura bilməyib. Bu vaxt imkan edən qardaşım bıçağı onun əlindən almağa çalışıb. Ancaq necə olubsa bıçaq Asifin boğazına saplanıb. Ekspertiza da təsdiq edir ki, hadisə yerindən tapılmış bıçaqda Bahadur Qasımovun əl izi yoxdur. Üstəlik, həmin vaxt ərazidə kanalizasiya qazıntısı aparan 25-ə yaxın fəhlə də hadisəyə şahid olublar. Onları nə istintaqa, nə də məhkəməyə çağırdılar. Halbuki biz bununla bağlı vəsatət də qaldırmışdıq. Elə fəhlələrin bir neçəsi məhkəmədə ifadə verməyə hazır olduqlarını desələr də, qəbul etmədilər. Eyni zamanda, Bahadur hadisədən sonra özü polisə gedib və hadisəni danışaraq, təslim olub”.

Şakir Qasımov deyir ki, Gəncə Şəhər Prokurorluğunda aparılan istintaq tamamilə qərəzli və saxtadır. Onun dediyinə görə, istintaq zamanı nə şahidlər dindilib, nə əsaslar araşdırılıb, nə də xüsusatlara diqqət yetirilib. "Mən əminm ki, işin bu şəkildə aparılması sifariş əsasında baş verib. Bunu indiyə qədər keçirilən iki məhkəmə instansiyalarındakı proseslər də təsdiq edir. Çünki dəhşətli dərəcədə ədalətsizliklər var”.

Bahadur Qasımovun qardaşı bildirir ki, Gəncə Ağır Cinayətlər Məhkəməsində keçirilən məhkəm prosesləri o qədər saxtakarlıq və eybəcərliklə müşahidə olunub ki, onlar nə edəcəklərini belə bilməyiblər. "Dəfələrlə vəsatətlər qaldırdıq. Sübut etdik ki, istintaqa verilən ifadələrlə şahid ifadələri arasında ziddiyyətlər var və onlar araşdırılmadı. Hakim hər vəchlə qardaşımı günahkar çıxarmağa çalışdı. Əvvəl düşündük ki, istintaqın saxtakarlığı və bivecliyi məhkəmədə araşdırlacaq və tədbir görüləcək. Lakin tam tərsi baş verdi. Qardaşıma haqsız olaraq 18 il həbs cəzası verildi. Halbuki qardaşım Asifi öldüməyib. Bu ehtiyatsızlıqdan baş vermiş hadisədir. Bunu prokurorluq da, məhkəmə də görürdülər, lakin mövqelərini dəyişmirdilər”.

Lakin daha biabırçı hadisə Gəncə Apellyasiya Məhkəməsində baş verib. JAMAZ.İNFO-ya danışan Şakir Qasımov qeyd edir ki, hakim Teyyub Muxtarov işə baxıb. "Əslində, buna işə baxmaq demək olmaz. Cəmi üç məhkəmə prosesi keçirilib. Onun da biri baş tutmayıb. Lakin biabırçılıq odur ki, hakim Teeyub Muxtarov heç nəyi nəzərə almayıb. Üstəlik, nə qardaşıma, nə də prokurora danışmaq imkanı verməyib. Ən dəhşətlisi odur ki, qardaşım vəkilsiz halda ittiham edilib. Belə ki, Bahadur məhkəmə prosesində vəkili Rəşid Məhərrəmlidən imtina edib. Və bunu yazılı şəkildə hakimə təqdim edib. Bildirib ki, vəkili indiyə qədər onunla maraqlanmayıb, heç bir işini araşdırmayıb və müdafiəsini də təşkil etməkdə passivlik göstərib. Eyni zamanda, yeni müqavilə bağladığı vəkil Elxan Osmanovun oderini qəbul etməsini xahiş edib. Lakin hakim Teyyib Muxtarov isə vəsatətə baxmaq yerinə, qardaşımın və vəkilin üzərinə çığıraraq, onlardan sonuncu çıxışlarını etməyi tələb edib. Üstəlik, vəkil Elxan Osmanovun oderini də qəbul etməkdən imtina edib”.

Şakir Qasımov bildirir ki, hakim Teyyub Muxtarov özünü hakimdən daha çox, prokuror kimi aparırdı. "Vəkil Rrəşid Məhərrəmlinin üstünə çığırırdı ki, əgər çıxış etməsə, onunla bağlı Vəkillər Kollegiyasına təqdimat göndərəcək. Lakin vəkil hakimə dedi ki, axı, o, çıxış edə bilməz, çünki müvəkkili onun xidmətindən imtina edib. O, hakimdən müvəkkili ilə 5 dəqiqəlik görüşmək istədiyini desə də, Teyyub Muxtarov heç onu dinlımədi və müşavirə otağına getdi. 5 dəqiqə sonra gələrək, qərarını oxudu. Bu ciddi qanun pozuntusudur və bir hakim tərəfindən edilərsə, daha ciddi qanunsuzluq anlamı daşıyır”.

Bahadur Qasımovun qardaşı deyir ki, məhkəmənin qərarı ilə onun cəzası daha 1 il artırılaraq, 19 il edilib. "Biz görmüşük ki, məhkəmə ədalətli olar, cəzanı mümkün qədər aşağı salmağa çalışar. Lakin Teyyub Muxtarov cəzanı heç bir şeyi araşdırmadan və əsas olmadan daha bir il artırdı. Belə başa düşürəm ki, qardaşımın daha ağır cəza alması sifarişdir. Çünki bir hakim bu qədər qanunlara hörmətsizlik edib, müdafiəsiz qalmış, vəkilsiz, son söz deməmiş şəxsə 5 dəqiqə içində 19 il cəza verirsə, deməli, iş sifarişlidir”.

Şakir Qasımov üzləşdiyi ədalətsizlikdən dolayı Azərbaycan Respublikasının Prezidenti İlham Əliyev və Azərbaycanın Birinci Vitse-Prezidenti Mehriban Xanım Əliyevaya müraciət edib. O dövlət başçısı və birinci xanımdan xahiş edib ki, qardaşının işinin ədalətli şəkildə araşdırılması, məhkəmələrin ədaləti hökm çıxarmasına yardımçı olsunlar. "Cənab Prezident, hörmətli Birinci Vitse-Prezident, Sizdən xahiş edirəm ki, qardaşım Bahadur Qasımovun işini nəzarətinizə götürərək, ədalətli şəkildə araşdırılmasına yardımçı olasınız. Teyyub Muxtarov kimi hakimlər insanların taleyi ilə oynayır, onların gələcəklərini əlindən alır və cəmiyyətdə məhkəmələrə qarşı inamsızlıq yaradır. Sizdən onu da xahiş edirəm ki, belə hakimləri məhkəmə sistemindən uzaqlaşdırın. Çünki belə "hakim”lər sizin həyata keçirdiyini islahatlara, reallaşdırdığınız işlərə öz əməlləri ilə kölgə salırlar”.

Qeyd edək ki, yazıda adı keçən şəxslərin və qurumların da mövqeyini dərc etməyə hazırıq.


Oxşar Xəbərlər

Dayı bacısı qızını qaçıran gəncin başını kəsdi - GƏNCƏDƏ DƏHŞƏT
Bakıda anasının tanışını bıçaqlayan yeniyetmə məhkəmə zalından azadlığa buraxılıb
11-ci sinif şagirdini zorla qaçıran iki nəfər həbs edildi - Azərbaycanda + Təfərrüat
Yeddi oğlan maşının şüşəsini qırıb tələbə qızı qaçırdı – VİDEO

Xəbər lenti

PRİZMA

Rəqsanə ev dustaqlığına buraxıldı
Rəqsanə ev dustaqlığına buraxıldı

MÜSAHİBƏ

TƏHLİL

Azər Məmmədov: “Ölkə Prezidentinin Hərbi paradda səsləndirdiyi fikirlər Azərbaycanın dövlətçilik fəlsəfəsinə dair dərin siyasi mesajlar daşıyırdı”
Azər Məmmədov: “Ölkə Prezidentinin Hərbi paradda səsləndirdiyi fikirlər Azərbaycanın dövlətçilik fəlsəfəsinə dair dərin siyasi mesajlar daşıyırdı”

SOSİAL