Növbədənkənar parlament seçkilərində iştirak edən namizədlər arasında ən uğurlu təşviqat kampaniyası aparanlardan biri olan 16 saylı Yasamal ll Seçki Dairəsindən deputatlığa namizəd Ramin Əhmədovun yanvarın 22-sindəki görüşlərində də böyük coşqu yaşanıb.

Gənc iş adamının Şəfaət Mehdiyev 97a binasının və ətraf küçələrin sakinləri ilə keçirilən görüşü, axşam saatlarında baş tutmasına baxmayaraq, izdihamlı olub. Ramin Əhmədovun səs-sorağının artıq onlara çatdığını deyən sakinlər, gənc namizədə rəğbət bəslədiklərini bildiriblər.

R.Əhmədov, sakinlər qarşısında çıxış edərək ölkədə aparılan islahatlardan, cənab Prezidentin yeni dövrün prioritetləri barədə səsləndirdiyi fikir və çağırışlardan bəhs edərək, qarşıdan gələn parlament seçkilərində vətəndaşların fəallıq göstərməsinin vacibliyini vurğulayıb: "Mən özümü Sizə quru sözlər və boş vədlərlə deyil, real işlərlə tanıtmaq istəyirəm. İndi qol çirmələyib iş görmək zamanıdır. Əgər mənə etimad göstərib deputat seçərsinizsə, bundan ancaq sizlər - Yasamal qazanacaq! Bu bizim şüarımızdır və arxasında iş görmək, xalqa xidmət göstərmək istəyi və real imkanlar dayanır”.

Görüşdə namizədin vəkilləri də çıxış edərək, sakinləri seçkidə fəal olmağa və Yasamal camaatına xidmət etmək əzmində olan Ramin Əhmədova səs verməyə çağırıblar. Öz növbəsində sakinlər, onları qayğılandıran məsələlərdən söz açıb, namizədin apardığı seçki kampaniyasını bəyəndiklərini və R.Əhmədova inandıqlarını bildiriblər.

Səmimi mühitdə keçən görüşün ardınca R.Əhmədov sakinlərin bir neçəsinin evinə də baş çəkib.

Ərazidə görüşlər davam etdirilir. 

Seçin ki, Yasamal qazansın!