“Ermənistanın yeni təyin olunan müdafiə naziri Arşak Karapetyan dünən bir açıqlama ilə diqqət mərkəzinə düşüb. Müdafiə naziri yanında keçirilən kollegiya iclasında o, Ermənistan Respublikası sərhədini keçmək istəyən Azərbaycan əsgərlərinin məhv edilməsi əmri verib”.
Sozcu.info xəbər verir ki, bu barədə “Joxovurd” qəzeti yazıb.
Erməni nəşri mövzunu inkişaf etdirərək qeyd edir: “Bu ifadə şiddəti ilə heyrət doğurub. Təbii ki, bu müddət ərzində Müdafiə Nazirliyində əvvəllər də oxşar çağırışlar olub, lakin keçmiş nazir Vaqarşak Arutyunyan, hətta Baş nazir Nikol Paşinyan daha yumşaq açıqlamalar veriblər.
Niyə indi bu qədər sərt bəyanat verilsin ki? 
Qeyd edək ki, bu bəyanatdan əvvəl iyulun 27-də Moskvada Rusiya müdafiə naziri Sergey Şoyqu ilə Ermənistan müdafiə naziri vəzifəsini icra edən Arşak Karapetyan arasında görüş keçirilib.
Bir gün əvvəl isə Ermənistanın müdafiə naziri Rusiya sülhməramlı qüvvələrinin komandanı Rüstəm Muradovu qəbul edərək sərhəddəki vəziyyəti müzakirə edib. Qeyd edək ki, dünən Rusiya sərhədçilərinin Tavuş bölgəsinin Voskepar qəsəbəsi ərazisinə yerləşdirildiyi məlum olub və sərhədçilərə maddi-texniki dəstək yaratmaq üçün işlər aparılır.
Yəni Ermənistanın sərhədləri tədricən Rusiyaya təhvil verilir. Həm də bu, Ermənistanın suverenliyindən dəm vuran Nikol Paşinyanın hakimiyyəti dövründə edilir".