Hurriyyet.az “Anadolu Agentliyi”nə istinadla xəbər verir ki, Beynəlxalq təşkilatların nümayəndələri Britaniya kraliçasının xatirəsini yad ediblər.

BMT-nin Cenevrədəki ofisi, Avropa İttifaqı və NATO təşkilatları  Böyük Britaniya kraliçası II Elizabetin xatirəsinə bayraqları yarıya qədər endirib.

Sentyabrın 9-da səhər saatlarında beynəlxalq təşkilatın Cenevrədəki nümayəndəliyinin ərazisinin girişində BMT bayrağı yarıya qədər endirilib.

Avropa Komissiyasının, Avropa Şurasının və Avropa Parlamentinin Brüsseldəki mənzil-qərargahında da bayraqlar yarıya qədər endirilib.

Britaniya kraliçasının matəmi ilə əlaqədar 30 müttəfiq ölkənin də bayraqları Belçikanın paytaxtında NATO-nun mənzil-qərargahı qarşısında yarıya endirilib.

70 il taxtda oturmuş Böyük Britaniya kraliçası II Elizabet sentyabrın 8-də 96 yaşında vəfat edib.