"Jurnalistlərin və digər güzəştli mənzil hüququ olanların nəzərinə! - MİDA sürprizlər edə bilər".

Sozcu.info bildirir ki, bu sözləri Azərbaycan İnternet Forumunun Prezidenti Osman Gündüz deyib.

Mütəxəsis xatırladıb ki, 2 gün sonra, iyulun 28-də  MİDA “Güzəştli mənzil” sisteminin DEMO versiyasını dayandıracaq, yəni, sınaq versiya ilə mənzil seçimini test edənlərin cəmi üç gün vaxtı qalıb. MİDA-nın hansı sürprizlər edə biləcəyini isə Osman Gündüz bu cür şərh edib:

Cari ayın əvvəli, MİDA  DEMO versiyanı işə salanda aşağıdakı kimi balaca bir açıqlama vermişdi:

“Güzəştli mənzil” sistemində 29 iyul – 11 avqust 2023-cü il tarixlərində keçiriləcək mənzil seçimi prosesinə əlavə təhlükəsizlik tədbirləri tətbiq edilmişdir". Anlaşıqlı dildə desək, bu o deməkdir ki, 29 iyulda  baş tutacaq onlayn satışda güman  ki, MİDA yenidən sürprizlər edəcək. Yəni, MİDA təhlükəsizlik məqsədilə DEMO-dan fərqli olaraq real satış modulunun interfeysini dəyişə bilər, ikiqat CAPTCHA fərqli ola bilər, menyular dəyişilə bilər və s.
Botlar və robotların qarşısını almaq üçün gözləmək olar ki, real satış modulu DEMO-dan kəskin fərqli olacaq.

Beləliklə də, düşünmək olar ki, daha hazırlıqlıların, daha çox test edənlərin, İT bacarıqları yüksək olanların şansı daha yüksək olacaq. Tövsiyyə edərdim ki , DEMO ilə mənzil seçimini test edənlər bu məqamları da nəzərə alsınlar.

Xatırladıram ki, sonuncu onlayn satışda ilk mənzil seçimi 31-ci saniyədə baş tutmuşdu".