Əvvəlki Sonrakı

TRAMP İRANLA ATƏŞKƏSİ UZATDI - Pakistanın müraciətini nəzərə alıb...

22-04-2026, 13:21

Tramp İsrailin Livanı bombalamasını QADAĞAN ETDİ

17-04-2026, 19:33

AZƏRBAYCAN VƏ RUSİYA RAZILIĞA GƏLDİ - Moskva kompensasiya ödəyəcək

15-04-2026, 23:31

İran nümayəndə heyəti belə qorunacaq - Pakistan qırıcıları artıq bölgəyə yerləşdirilib

10-04-2026, 16:52

İsrail ABŞ-a QARŞI- Atəşkəs planı BÖHRAN YARATDI

9-04-2026, 17:32

Şəxsi marağı dövlət marağından ÜSTÜN İMİŞ... - İTTİHAM VAR...

Şəxsi marağı dövlət marağından ÜSTÜN İMİŞ...
"1970-1980-ci illərdə Ulu Öndər Heydər Əliyevin səylərinin nəticəsi kimi əvvəllər hər il yüzlərlə, sonrakı illərdə illərdə isə hər il mindən artıq gənc Azərbaycanın gələcəyi üçün mühüm olan ixtisaslar üzrə təhsil almaq məqsədilə müsabiqədənkənar qaydada keçmiş Sovet İttifaqının ən nüfuzlu ali məktəblərinə göndərilirdi. 1976-ci ildə mən də Sankt Peterburq (keçmiş Leninqrad) Dövlət Universitetinə göndərildim. Orada mən Şərq fakültəsinin İndoneziya filologiyası bölməsində təhsil alıb “indoneziyaşünas” ixtisasına yiyələndim..." Dia-az.İnfo bildirir ki, bu iddia ilə xeyli müddətdir ki, ADU rektoru Kamal Abdulla ilə ədavətdə olan professor Həbib Zərbəliyev çıxış edib.
O daha sonra bunları əlavə edib: "1981-ci ildə Universiteti bitirib Azərbaycana qayıdanda Dövlət Plan Komitəsi məni təyinatla Elmlər Akademiyasının Nəsimi adına Dilçilik İnstitutuna göndərdi. Lakin İnstitutda mənə uyğun şöbə olmadığından təyinatdan imtina etdim. O vaxtkı qaydalara görə gənc mütəxəssis müvafiq müəssisədə yerləşdirilməli, işlə təmin edilməli idi. Mənim israrım, Elmlər Akademiyası, Dövlət Plan Komitəsi və Ali Təhsil Nazirliyi rəhbərlərinin birgə səyləri nəticəsində Moskvadan Nəsimi adına Dilçilik İnstitutunda Ümumi və tətbiqi dilçilik sektorunun yaradılmasına icazə almaq mümkün oldu. Beləcə 6 ay səbrlə gözlikdən sonra, nəhayət, 1982-ci ilin əvvəlindən bu institutda elmi fəaliyyətə başladım. O vaxt Kamal Abdullayev orada Türkologiya şöbəsinin əməkdaşı idi. Bizim sonradan şöbəyə çevrilmiş sektora mərhum Aydın Məmmədov rəhbərlik edirdi. Bu sektorda məndən başqa, yaxşı potensialı olan daha 4-5 gənc işləyirdi. Biz tez-tez koridorda elmi mübahisələr aparır, yeni fikirlər irəli sürürdük. Bir dəfə müdirimiz Aydın Məmmədov bizi toplayıb bildirdi ki, siz öz ideyalarınızı koridorda deməyin, yazın, yoxsa buradakı ideya oğruları sizin fikirlərinizi sonra öz adlarından çap etdirirlər. Doğrudan da belə faktlar olmuşdu.
İllər keçdi. Azərbaycan müstəqilliyini bərpa etdi və Heydər Əliyev yenidən Azərbaycanda hakimiyyətə qayıtdı.
1998-ci ilin mayında anadan olması¬nın 75 illiyi münasibətilə Heydər Əliyevi təbrik etmək üçün onunla görüşmək istəyənlər çox idi. Arzu edənlərin hamısı ilə görüşmək, əlbəttə, mümkün deyildi. Görüş üçün Azərbay¬candan Kənarda Təhsil Almış Mütəxəs¬sislər Təşkilatının üzvlərindən mənim də daxil olduğum bir qrup da müraciət etmişdi. O, unudulmaz gö¬rüş baş tutdu. Söhbət zamanı Ulu Öndər mənim İndoneziya dilini unudub-unutmadığımı soruşdu və unutmamağı, bu dilin bizə lazım olcağını dedi. Elə də oldu. 2007-ci ildə, nəhayət, Azərbaycan Dillər Universitetində “regionşünaslıq (İndoneziya) ixtisası çərçivəsində İndoneziya bölməsini açdıq. İndiyə qədər bu sahə üzrə məzun olmuş yüzdən artıq gənc ölkəmizin, İndoneziya və Malayziyanın müxtəlif strukturlarında, şirkətlərində çalışırlar.
Lakin Universitetin rektoru Kamal Abdullayev mənimlə şəxsi ədavət zəminində artıq bu ixtisas üzrə qəbulu dayandırmışdır və onun Universitetin ixtisasları siyahısından çıxarılması üçün hər cür səy göstərir. Halbuki bu ixtisasın açılması üçün 30 ilə yaxın gözləmək lazım gəlmişdi və Ulu Öndər bu ixtisasın bizə lazım olacağını demişdi. Kamal Abdullayevin şəxsi marağı dövlət marağından üstün olduğundan bu, təəccüblü deyildir. O, göründüyü kimi, Ulu Öndərin onilliklərlə qurduğunu dağıtmaqdan belə, çəkinmir. Bunun xüsusi səbəbi vardır. Bu barədə bir qədər sonra.
Kamal Abdullayev Azərbaycan Dillər Universitetini şəxsi obyekti kimi idarə edir. Rektor olduğu 7 il ərzində ölkə Prezidentinin hər il əmək haqqının qaldırılması haqqında verdiyi sərəncamların əksinə gedərək, müəllimlərin əmək haqqını ümumilikdə 100 manatdan yuxarı qaldırmamış Kamal Abdullayev müxtəlif ölkələrdə Universitetin xeyli sayda mərkəzini yaratmışdır. Xarici ölkələrdə belə mərkəzlərin olması, əlbəttə, yaxşıdır. Lakin buna Universitetin maliyyə potensialı da imkan verməlidir. Əslində isə bu mərkəzlər ölkəyə deyil, Kamal Abdullayevə – onun əsərlərinin xarici dillərə tərcümə edilməsi və reklamına, həm də onun üçün maliyyə silinməsinə xidmət edir.
Kamal Abdullayev reklam xəstəsidir. Onun reklamı ölkə daxilində də fasiləsiz davam edir. Mətbuata verdiyi müsahibələrin, haqqında yazılan yazıların mətnini də o özü diktə edir və ya konturlarını özü cızır.
Mətbuatda belə reklamlarla, müsahibələrlə tez-tez rastlaşıram. Bu günlərdə yorğunluğumu çıxarmaq üçün Kamal Sunalın çəkildiyi filmlərindən birinə baxmaq istədim. Səhvən You tube platformasında deyil, Google platformasında “Kamal” yazan kimi qarşıma Kamal Abdullayevdən bəhs edən böyük sayda yazı çıxdı. “Lənət şeytana!” deyib, onlardan bir-ikisinə baxdım. Bu yazılara keçməzdən əvvəl deyim ki, sonra You tube platformasına daxil olduqda orada da Kamal Abdullayev haqqında xeyli video çıxdı. Bu videolarda Azərbaycan Dillər Universitetinin əməkdaşlarının Kamal Abdullayevin qanunsuz əməllərini ifşa etdiklərinə görə övladları ilə təhdid olunduqlarından, tutduqları vəzifələrdən qanunsuz olaraq uzaqlaşdırıldıqlarından, onun əməkdaşlara qarşı tətbiq etdiyi ağlasığmaz metodlardan çox geniş bəhs olunur.
Qayıdaq Qoogle platformasındakı yazılara. “525-ci qəzet”in 09.06.2023-cü il tarixli nömrəsində dərc olunmuş “Kamal Abdulla: mifik gizlinlərdən intellektual “dansökülən”ə gətirən yol” adlı məqalədə Kamal Abdullayev haqqında çox yüksək fikirlər bildirilir. Qoy olsun. Onun fasiləsiz olaraq özünü reklam etdirməsi barədə Azərbaycan oxucusu yaxşı bilir. Məqalədə diqqətimi başqa bir şey çəkdi. Burada Kamal Abdullayev GƏNC ÖNDƏR kimi təqdim edilir – 73 yaşlı gənc öndər. Heç bir tabu tanımayan Kamal Abdullayev indi artıq özünü ÖNDƏR kimi reklam etdirir. Elə bu səbədən onun Ulu Öndərin onilliklərlə yaratdığının dağıtmağa çalışması heç də təəccüblü deyildir..."

ARDI OLACAQ...


Oxşar Xəbərlər

ELMİRA AXUNDOVANIN ELNUR İBRAHİMOVDAN HESABAT ALDIĞI BİLİNDİ – səs yazısı+stenoqram
DEPUTATIN VƏ OĞLUNUN VARİDATININ ŞOK SİYAHISI YAYILDI – 10 milyonlarla manatlıq əmlak
Bu il Bakı Dövlət Universitetinin hüquq fakültəsinin 90 yaşı tamam olur
MÜŞFİQ BORÇALI ELMİ TƏDQİQAT İŞİNİ MÜDAFİƏ EDİB... TƏBRİK EDİRİK!..

Xəbər lenti

PRİZMA

BDU-da elmi seminar keçirilib
BDU-da elmi seminar keçirilib - TEYMUR QASIMLI MƏRUZƏ İLƏ ÇIXIŞ EDİB / FOTO

MÜSAHİBƏ

TƏHLİL

Azərbaycan hüququnda mirasın faktiki qəbulu institutunun transformasiyası
Azərbaycan hüququnda mirasın faktiki qəbulu institutunun transformasiyası

SOSİAL