Azərbaycanda "FTB" təxəllüsü ilə tanınan reper Məqsəd Bayişov hüquq-mühafizə orqanları tərəfindən saxlanılıb.

Sozcu.info xəbər verir ki, sosial şəbəkələrdə yayılan məlumata görə, reper barəsində inzibati qaydada 25 sutka həbs qərarı çıxarılıb.

Bundan öncə Bulvarda keçirilən reper döyüşlərindən (“battle”) birində iştirak edən və “Epi” ləqəbi ilə tanınan Əkbər Novruzov da eyni səbəblə saxlanılmış və 30 sutkalıq həbs olunmuşdu.

Məlumata əsasən, hər iki ifaçının kobud ifadələrdən istifadə etməsi onların saxlanmasına səbəb olub.