Gürcüstanda yeni növ koronavirusun (COVID-19) üçüncü dalğası başlayıb.
APA-nın yerli bürosu xəbər verir ki, bu barədə ölkənin Xəstəlikləərə Nəzarət və İctimai Sağlamlıq Milli Mərkəzinin direktoru Amiran Qamkrelidze keçirdiyi brifinqdə bildirib.
O deyib ki, epidemioloji vəziyyət həm Avropada, həm də ölkədə gündən-günə pisləşir: "Bildiyiniz kimi, artıq bir çox ölkələrdə virusun üçüncü dalğası başlayıb. Biz virusun üçüncü dalğasının Gürcüstanda da başladığını deyə bilərik”.
A.Qamkrelidze qeyd edib ki, ölkədə hazırda 17 yoluxma ocağı var və epidemioloji vəziyyətlə bağlı bütün göstəricilər pisləşib: "Radikal tədbirlər görülmədiyi və əhali bu tədbirlərə riayət etmədiyi təqdirdə yayılmanın genişlənməsinin qarşısını almaq mümkün olmayacaq".