Qorxmaz Hüseynovdan sonra “Azərsu” ASC-də heç nə dəyişməyib“Azərsu” ASC-i yolları dağıdır
“Azərsu” Açıq Səhmdar Cəmiyyəti Binəqədi rayonu, Mir Cəlal Paşayev küçəsində su kəmərlərinin inşası və yenidən qurulması ilə bağlı bir neçə layihə həyata keçirsə də, su kəmərində tez-tez qəzalar olur. Çox maraqlıdır ki, bu qəzalar “Azərsu” ASC-nin əsas binasının bir neçə kilometrliyində yerləşən küçədə baş verir. Eynı zamanda  Səhmadr Cəmiyyətin bəzi idarələri də bu küçədə və ya çox yaxınlığında yerləşməsinə baxmayaraq vaxtaşıarı qəzalar baş verir. Bu qəzalar zamanı su və palçıq asfaltı məhv edir. Ancaq bütün bunlar belə görünür ki, “Azərsu” ASC-nin rəhbərliyini narahat etmir. 
Qeyd edək ki, ötən ilin aprelində prezident İlham Əliyev Qorxmaz Hüseynou “Azərsu” ASC-nin sədri vəzifəsindən azad etdi. Qorxmaz Hüseynov vəzifəsindən azad edildikdən sonra Səhmdar Cəmiyyətin sədrinin səlahiyyətləri Köçərli Həsənova həvalə edildi. Köçərli Həsənov buna qədər Səhmdar Cəmiyyətin sədr müavini olub. Çox maraqlıdır ki, Köçərli Həsənovun Səhmdar Cəmiyyətə rəhbərlik etdiyi 9 ay ərzində Mir Cəlal Paşayev küçəsində su kəmərində bir neçə dəfə qəza baş verib. Səhmdar Cəmiyyətin qəza xidməti eyni ərazidə baş verən qəzanı təmir edir, ancaq bir müddət sonra yenidən qəza baş verir. Həmin ərazidə asfalt dağılmağa başlayıb. Qəza zamanı bu ərazidə yaşayan sakinlərin üzləşdikləri çətinliklər isə “Azərsu” ASC-nin rəhbərliyini narahat etmir. Belə görünür ki, prezident İlham Əliyev “Azərsu” ASC-nin rəhbərliyində köklü kadr dəyişiklikləri aparmayana qədər vəziyyət dəyişməyəcək.
A.Aydın,
Sözcü.info