Ac Ermənistanın müharibə sevdası - TƏHLİL

 

Ermənistanda hazırlanan "məxməri inqilab” ssenarisində baş rol alaraq hakimiyyətə gələn Nikol Paşinyan sələflərindən geri qalmır.

Dağlıq Qarabağ münaqişəsinin çözülməsində tutduğu yol özündən əvvəlki Ermənistan rəhbərləri, Serj Sarkisyan və Robert Köçəryandan geri qalmır, elə onların yolunu gedir. Nikol Paşinyan danışıqlar prosesindən yayınmaq üçün hər yola əl atır. Nəticədə hakimiyyətə gəldiyi müddətdə danışıqlar prosesinin inkişafı üçün heç bir addım atmayıb. 

Əvəzində sərsəm bəyanatlarla çıxış edir. Bugünlərdə Nikol Paşinyan daha bir sərsəm bəyanatla çıxış edərək Qarabağda müharibəyə hazır olduqlarını deyib. Ermənistanın iqtisadi, siyasi və hərbi gücü hər kəsə bəllidir. Ac və yoxsul Ermənistan nəinki müharibə etmək, heç azsaylı əhalisinin normal yaşayışını təmin etmək iqtidarında deyil. Nikol Paşinyanın bu cür bəyanatları isə populist çıxışdan başqa bir şey deyil.

Politoloq Zaur İbrahimli "Cümhuriyət” qəzetinə açıqlamasında maraqlı məqamlara toxunub. Z.İbrahimli hesab edir ki, Paşinyanın baş nazir kimi legitimliyi populist lider kimi elitanın yox, küçə və meydanların dəstəyinə söykənir: "Baş nazir kreslosunda əyləşəndən bəri daim populist bəyanatlarla kütlənin dəstəyini təmin etməyə çalışır. Bu istiqamətdə Qarabağ münaqişəsi və danışıqları ətrafında ictimai rəylə manipulyasiya ilk yerlərdən birini tutur. Diqqət edirsinizsə, təxminən hər 10-20 gündən bir onun özü, yaxud komanda üzvlərindən biri Qarabağla bağlı radikal bəyanatalr səsləndirirlər. Paşinyanın oğlunun hərbi xidmətə yola salınması ətrafında şou yaradılması da bu populist PR strategiyasının bir elementi idi. Azərbaycanın hərbi potensialı gücləndikcə, eyni zamanda Ermənistana dəstək azaldıqca, İrəvandan belə populist bəynatların daha tez-tez səslənməsi də müşahidə olunur.

Rusiya ilə Paşinyan iqtidarı arasında fikir ayrılıqları artıq sirr deyil, Tehranda da onun ABŞ-ı dəstəkləməsi ilə bağlı bəyanatlarından açıq narazılıq ifadə olunub. Ermənistanın bu cür ənənəvi müttəfiqlərdən təcrid olunması ölkə ictimaiyyətini narahat edir. Bu narahatlıq Qarabağ münaqişəsi ilə bağlı məsələlərdə daha qabarıq ifadə olunur. Bu narahatlıqları aradan qaldırmaq üçün Paşinyan komandası sanki Köçəryan və Sarkisyan hakimiyyətlərindən daha radikal görünməyə çalışır. Ermənistanın hərbi potensialı isə birbaşa Rusiyanın dəstəyindən asılıdr. Heç kimə sirr deyil ki, resursların məhdudluğu bu ölkəyə uzunmüddətli müharibə və hərbi əməliyyatlar aparmağa imkan vermir. Eyni zamanda, ölkə iqtisadiyyatı çox zəifdir, xarici ianələrdən və birbaşa Rusiyanın dəstəyindən asılıdır. Bunun fonunda Paşinyanın bəyanatları daha çox qeyri-ciddi təsir bağışlayır. Radikal bəyanatların bu cür yeri gəldi-gəlmədi səsləndirilməsinin özü belə qeyri-ciddi siyasətdən xəbər verir”.
 


Oxşar Xəbərlər

Xəbər lenti


{sape_links}{sape_article}