Ərdoğanın qələbəsini gözləyənlər silsiləsindən

Sozcu.info “Lenta.ru” portalına istinadla xəbər verir ki, Türkiyədə keçirilən prezidenti seçkilərində R.T.Ərdoğanın qələbə çalmasından sonra rusiyalılar kütləvi şəkildə Türkiyəyə turist biletləri satın almağa başlayıblar.

Bu barədə məlumatı “Shot” “Teleqram” kanalı turizm sahəsindəki ekspertlərə istinadla verib.

Mütəxəssislərin məlumatına görə, 29 may səhəri rusiyalıların Türkiyədəki sevimli kurortlarına biletlərə tələbatı 2-3 dəfə artıb. Mənbə deyib: “Bir çox turistlər seçkinin bitməsini və vəziyyətin “aydınlaşmasını” gözləyirdilər”.

Xəbər verdiyimiz kimi, Prezident Ərdoğanı təbrik edən Baş nazir Nikol Paşinyan Türkiyə-Ermənistan arasında normallaşdırma addımlarının davam edəcəyini, Vladimir Putin isə AES tikintisi, qaz qovşağı layihələrinin tam reallaşdırılmasını gözlədiyini bəyan edib.