Yeni il artıq yaxınlaşır. Bütün astroloqların proqnozlarına görə, ulduzlar bizə 2024-cü ilin qeyri-müəyyən olacağını vəd edir. Birincisi, sıçrayış ilidir. İkincisi, ilin bütün rəqəmlərini toplasanız, 8-i alırsınız. Hər rəqəmin öz mənası var: doqquz bir dövrün sonunu göstərirsə, səkkiz sınaq və gərginliyi ifadə edir.

Musavat.com publika.az-a istinadən xəbər verir ki, astroloq Mixail Levin yutub kanalında qarşıdan gələn ildə planetlərin bizə nələr vəd etdiyini açıqlayıb. Onun sözlərinə görə, tezliklə ciddi dəyişikliklər baş verəcək.

"Hansı dağıntıların olacağını və hansı yeniliklərin baş verəcəyini tezliklə görə biləcəyik. Adətən səkkiz rəqəmi dövlət quruluşunu, sosial və insan münasibətlərinin strukturunu dəyişir. Bu, böyük dəyişikliklər ili olacaq. 2024-cü il Saturn və Veneranın himayəsi altında keçiriləcək. Bu birləşmə pis deyil, çünki ikinci planet birincinin təsirini yumşaldacaq. Bir çox insanlar tezliklə şəxsi həyatlarında böyük dəyişikliklər yaşamağa başlayacaqlar. Bütün dünyada böyük sosial və siyasi dəyişikliklər də olacaq. Venera isə bütün böhranlardan harmonik şəkildə çıxmağınıza kömək edəcək.

Qarşıdan gələn ildə bizi cəmi dörd tutulma gözləyir: 25 mart və 18 sentyabrda Ay tutulmaları, 8 aprel və 2 oktyabrda günəş tutulması. Bəzi ölkələr bu astroloji hadisələri görməyəcək, buna görə də onların mənfi təsiri də hiss olunmayacaq", - astroloq qeyd edib.

Eskpertin sözlərinə görə, rəsmi olaraq, Yaşıl Əjdaha ili yalnız fevralın 10-da təhvil olacaq. Çində bu işarə göy və yerin qüvvələrini birləşdirən yaradıcılıq simvoludur. Əjdaha canlı, şən və yüngül məxluqdur, buna görə də 2024-cü ildə bütün dəyişikliklər müsbət olacaq - əsas odur ki, işdə, evdə və şəxsi həyatınızda bu dəyişikliklərin imkanlarından yaralana biləsiniz. Astroloq keçmişdə ilişib qalmamağı məsləhət görür:

"Kiçik böhran vəziyyətlərində belə həyatınıza mütləq yeni nələrsə və ya kimlərsə daxil olacaq. Odur ki, özünüzü sıxmayın. Gələn illər üçün müsbət və yaradıcı impulslar alın. Ağıllı insanlar bu problemlərdən çıxış yolu tapa biləcək".

Mixail Levin hesab edir ki, Rusiya üçün 2024-cü il çox sakit il olacaq:

"Ölkə yavaş-yavaş, lakin əminliklə inkişaf edir. İqtisadi vəziyyət kifayət qədər sabitdir. Sanksiyalarla bağlı problemlər aradan qalxır. Ümumiyyətlə, Rusiya böyük iqtisadi dəyişikliklərlə üz-üzədir. Amma bu uzun bir prosesdir. Və tezliklə yox olmayacaq".

Onun sözlərinə görə, ölkənin daxili siyasi kursu dəyişəcək. Bu, artıq baş verir, lakin qeyri-rəsmi, gizli şəkildə. Bütün ən parlaq və ən bariz hadisələr yazın əvvəlində başlayacaq. Bu yolla Rusiyada asayiş bərpa olunacaq.

"2024 nəyisə dəyişdirmək və təkmilləşdirmək üçün yaxşı ildir. Saturn və Venera ili nizam və sevgi ilidir. Böyük müsbət dəyişikliklər ili. Böhran və dəyişikliklər gözlənilsə də, hər şey pozitiv istiqamətdə inkişaf edəcək. Venera ili sevgi rənglərinə boyayacaq. Yaşıl böyümənin, inkişafın, pozitivliyin, bir sözlə həyatın rəngidir", - astroloq yekunda vurğulayıb.