İcra başçısı təhsil şöbəsinin müdiri ilə yollarını ayırdı


 
Ağdam rayon icra hakimiyyətiin başçısı Vaqif Həsənov Təhsil Şöbəsinin müdiri Mətanət Misirxanovanın vəzifəsindən azad olunması ilə bağlı Təhsil naziri Emin Əmrullayevə məktub göndərib. Bununla bağlı məlumat "Yeni Sözçü" qəzetinin redaksiyasına  Ağdam rayonundakı mənbələrdən daxil olub. Mətanət Misirxanovanın rəhbərlik etdiyi Ağdam rayon Təhsil Şöbəsində yoxlamaların keçirildiyi haqqında bir müddət öncə məlumat vermişdik. Həmin məlumatda qeyd olunmuşdu ki, yoxlamaların sonunda Mətanət Misirxanova vəzifəsini itirəcək. Yoxlamaların nəticələrinin  araşdırılmaq üçün prokurorluğa da göndəriləcəyi də istisna olunmur.
Ağdam rayon Təhsil Şöbəsinin müdirəsi Mətanət Misirxanova ötən ilin iyul ayının 9-da qapalı yerdə çoxsaylı insanların iştirakı ilə övladına nişan mərasimi keçirmiş və buna görə təhsil nazirinin əmri ilə şiddətli töhmət almışdı. Məhz bu olaydan sonra Mətanət Misirxanovanın tutduğu vəzifəyə uyğun olmaması ilə bağlı məsələ gündəmə gəlmişdi. Həmin olaya görə, Ağdam rayon icra hakimiyyətinin başçısı Vaqif Həsənov da izahat vermək məcburiyyətində qalmışdı.
A.Aydın,
Sozcu.info 


Oxşar Xəbərlər

Xəbər lenti


{sape_links}{sape_article}