Helikopteri qəzaya uğrayan nazir 12 saat üzərək sahilə çıxıb

Madaqaskarın polis naziri Serj Gelle helikopterinin dənizə düşməsindən sonra 12 saat üzərək sahilə çatıb.
Sozcu.info xəbər verir ki, bu barədə yerli KİV-lər məlumat yayıb.
Qeyd olunub ki, ölkənin şimal-şərq sahillərində batan gəmi ilə bağlı araşdırma aparmaq üçün havaya qalxan nazirin helikopteri dənizə düşüb.
Gelle və bir polis əməkdaşı qəzadan sonra müxtəlif vaxtlarda sahilə çıxa biliblər.
O, qəza zamanı yaralanmadığını, lakin soyuq olduğunu bildirib. Nazir üzmək üçün helikopterin oturacağından istifadə edib.
Nazir xilas olması ilə bağlı belə deyib: "Görünür, mənim ölüm vaxtım hələ çatmayıb”.
57 yaşlı Gelle 30 il polis işlədikdən sonra bu ilin avqust ayında nazir təyin edilib.


Oxşar Xəbərlər

Xəbər lenti


{sape_links}{sape_article}