Hindistan Hərbi Hava Qüvvələrinə məxsus MiQ-21 təyyarəsi təlim uçuşu zamanı qəzaya uğrayıb.
Sozcu.info xəbər verir ki, bu barədə HHQ-nin “Twitter” səhifəsindən məlumat verilib.
Məlumata əsasən, insident axşam saatlarında Hindistan-Pakistan sərhədinə yaxın Racastan ştatında baş verib.
Qəzada təyyarənin pilotu həlak olub.
Qeyd edək ki, bu, cari il ərzində Hindistanda MiQ-21-in iştirakı ilə baş verən sayca beşinci qəzadır.