Ata 15 yaşlı qızının 7 il ərzində cinsi istismara cəhdə və psixologi təcavüzə məruz qaldığını deyir, bu işdə həyat yoldaşını, yəni qızın anasını günahlandırır.
"Həyat yoldaşım 7 ildir məni aldadır. Bu müddət ərzində dəfələrlə başqa adamlarla görüşərək cinsi münasibətə girib. Prosesə qıızm da şahidlik edib. Hətta bir neçə dəfə qızımın özünə cinsi əlaqə üçün cəhdlər olunub. Qızım 8 yaşından bunları görsə də kiməsə deməyə qorxub. Özünə qapanıb. Çünki həyat yoldaşım Musayeva Səidə Zakir qızı hər dəfə qızıma atan bilsə səni də öldürər, məni də deyib. Buna görə heç kimə bir şey deməyib. Dəfələrlə intihara cəhdlər edib. Əlini-ayağını kəsib, dərman içib. Ən sonuncu intihara cəhdi bir neçə gün bundan qabaq olub. Özünü oxuduğu Qobu qəsəbəsi Aşağı Güzdək qəsəbəsi Səmidxan Əzizov adına məktəbin ikinci mərtəbəsindən atmaq istəyərkən mühafizəçi tərəfindən xilas olunub. Biz Türkiyəyə köçəyimizi planşaldırdığımız üçün qızımı rəsmi qaydada məktəbdən çıxartmışdıq. Sadəcə baş verən hadisəyə görə gedə bilmədik. Qızım məktəbə ərizəsiz yalnız atestatla geri qayıtmışdı. Ərizə yazması üçün anası məktəbə müraciət etməli idi. Ana evdən getdiyi üçün bu məsələ qalmışdı. Artıq məktəb uşağın psixoloji durumu yerində deyil deyə qəbul etmir", - deyə Mahir Musayev qeyd edib.
Şikayətçinin iddiasına görə, sentyabrın 16-i məsələ ilə bağlı həyat yoldaşı ilə danışıb və bundan sonra xanım evini tərk edib. Bununla bağlı Musayev 18-ci Qobu polis bölməsinə həyat yoldaşımın tapılması xahişi ilə müraciət edib. Məsələmə baxılmır.
Mahir Musayev iddia edir ki, onun ərizəsinin baxılmamasına səbəb həyat yoldaşının ailəsinin "kriminal aləm"lə bağlı qohumlarının olması ola bilər.
" Həmin qohumları bir neçə dəfə mənə zəng edərək ölümlə hədələyib. Daha sonra izahatımı geri götürməyim üçün pul təklif edilib. Bir dəfə də evimə basqın olunub. Uşaqlarım və mən təhlükədəyik. Dövlətdən sığınacaq istəyirik. Sentyabrın əvvəlində Türkiyəyə getmişdim. İşlərimi qurub ailəmlə bərabər ora köçməli idi. Həyat yoldaşımın bir qohumu tərəfindən xəbər aldım ki, başqası ilə kəbinə girir. Hər şey alt-üst oldu. Ailə,qadın və Uşaq Komitəsinə, Ombusman Aparatına, polisə müraciət etsəm də nəticə olmadı. Ailə, Qadın və Uşaq Komitəsindən bir xanım bildirdi ki, onlara yazılı müraciətdən sonra məsələyə baxıla bilər", - deyə Musayev vurğuladı.
O, həmçinin deyir ki, qızının yaşadığlarına cavab olaraq lazımı tədbirlər görülməsini istəyir. Dövlət başçısından bu məsələni diqqətdə saxlamasını xahiş edir.
Məsələ ilə bağlı Musayevin qızı da atasının dediklərini təsdiqlədi.
"9 yaşımdan olandan anamın başqa adamlarla görüşdüyü zaman yanında olmuşam. Etdiyi hərəkəti atama deyəcəyim halda məni öldürəcəyi ilə qorxudurdu. Anam atamın dayısı gəlininin qardaşı ilə daha ciddi münasibətdə olub. Amma başqa adamlarla da elə-belə görüşürdü. Bir dəfə Ağdaşda bibimin əmisinin qaynı ilə görüşmüşdü. Adını çəkdiyim hər iki şəxs tərəfindən mənə qarşı da zorakılığa cəhdlər edilib. Dəfələrlə intihara cəhd etmişəm. Anam hər dəfə məni tozsoran çubuğu ilə döyürdü, bəzən isə dişləyirdi. Çox qorxurdum. Atama deməyə bir neçə dəfə cəhd etsəm də deyə bilmirdim.Düşünürdüm necə olsa anamdır. Bu yay atam bildikdən sonra ona gördüklərimi danışdım. Özümü çox yüklü adam kimi hiss edirəm. Yaşadıqlarımı daşıya bilmirəm. Çıxış yolumu hər dəfə intihar etməkdə görürdüm. Düşünürdüm günahkar mənəm və ölməklə canımı qurtara bilərəm", deyə Günay Əliyeva bildirdi.
Mahir Musayevin qızının təhsil aldığı Qobu rayonu Aşağı Güzdək qəsəbəsi Səmidxan Əzizov adına məktəbin müəllimlərindən biri isə bildirdi ki, qıza çox qısa zamanda dərs deyibi və uşaq çox sakit, savadlı və ağıllı bir şagird kimi yadda qalıb.
Müəllimə həmçinin sorğumuz barədə direktora deyəcəyini və direktorun bizimlə əlaqə saxlayacağını söylədi.
Eyni nömrədən zəng edərək özünü Xuraman müəllimə kimi təqdim edən xanım ( Güzdək qəsəbəsi Səmidxan Əzizov adına məktəbin direktoru Xuraman Kərimova olduğundan xanımın direktor olduğunu ehtimal etmək olardır, - red.) isə boş-boş şeylərə görə onları narahat etməməyimizi xahiş edərək bir də narahat edəcəyimiz təqdirdə bizdən polisə şikayət etməklə bizi təhdid etdi.
İnsan Hüquqları üzrə Müvəkkili (Ombudsman) Aparatının mətbuat katibi Emil Şahzadə anews.az-a açıqlamasında onlara bu məsələ ilə bağlı müraciətin daxil olduğunu təsdiqlədi. Bildirdi ki, ombudsman tərəfindən bu məsələ araşdırlaraq aiddiyatı üzrə yönləndirilib.
Daxili İşlər Nazirliyinin ictimaiyyətlə əlaqələr şöbəsinin rəisi Elşad Hacıyev anews.az-a açıqlamasında DİN-ə bununla bağlı şikayət olduğunu təsdiqlədi.
"Hazırda daxil olmuş şikayətlər üzrə zəruri prosesual tədbirlər icra olunur. Vətəndaşın şikayətinə baxılmaması iddiaları əsassızdır. Ortada qarşılıqlı şikayət var. Şahid və adı hallanan şəxslər dindirilir.Araşdırmanın nəticəsindən asılı olaraq hüquqi qiymət veriləcək", deyə DİN sözçüsü qeyd edib.
Məsələyə münasibətini almağa cəhd etsək də Mahir Musayevin həyat yoldaşı ilə əlaqə qura bilmədik. Amma açıqlama verəcəyi təqdirdə onun da mövqeyini verməyə hazır olduğumuzu bildiririk.