“Universal Döyüş”çülərimiz dünya çempionatına hazırlaşırlar


8-12 dekabr 2021-ci il tarixlərində Türkiyənin Antalya şəhərində Universal Döyüş idman növü üzrə növbəti dünya çempionatı keçiriləcək. Bu barədə Azərbaycan Universal Döyüş Federasiyasının (UDF) verdiyi məlumatda deyilir. Həmçinin təqdim olunan açıqlamada bildirilir ki, bu mötəbər yarışa dünyanın 60-dan yuxarı ölkəsindən 800-dən çox idmançının qatılacağı gözlənilir. Dünya çempionatında Azərbaycan yığma komandası 20 idmançı ilə ölkəmizi təmsil edəcək.

Xatırladaq ki, Azərbaycan Universal Döyüş Federasiyasının prezidenti, SSRİ İdman ustası, Əməkdar Məşqçi, Azərbaycan Respublikası Əməkdar Bədən Tərbiyəsi və İdman Xadimi Azər Həsənov artıq bir neçə müddətdir ki, Beynəlxalq Universal Döyüş Federasiyasına da rəhbərlik edir. Belə ki, təşkilatın Litvanın paytaxtı Vilnüs şəhərində yerləşən qərargahında bu ilin noyabr ayında keçirilən seçkidə Azər Həsənov növbəti 5 il müdddətinə Beynəlxalq Universal Döyüş Federasiyasının prezidenti seçilib.

Federasiyadan aldığımız xəbərə görə hal-hazırda Universal Döyüş növü üzrə Azərbaycan yığmasının üzvləri Federasiyanın baş məşqçisi Elşən İsmayılovun rəhbərliyi ilə intensiv məşqlər edirlər. Əməkdar Məşqçi, Beynəlxalq dərəcəli Hakim Elşən İsmayılov yetirmələrinin dünya çempionatında ölkəmizi layiqincə təmsil edəcəklərinə əminliyini bildirib.

Biz də öz növbəmizdə bütün idmançılarımıza uğurlar diləyirik və tezliklə onların qələbə sevinclərini qürurla paylaşacağımız günü səbirsizliklə gözləyirik!


Oxşar Xəbərlər

Xəbər lenti


{sape_links}{sape_article}