Şuşa şəhəri dövlət qoruğu idarəsi” publik hüquqi şəxs Şuşa şəhərində bina tikintisi ilə bağlı iki tender elan edib.
Sozcu.info xəbər verir ki, birinci tender şəhərin Cənub yaşayış zonası blok-1, 4 ədəd yaşayış binasının tikintisi ilə əlaqədardır.
Açıq tenderin predmetinə görə, Şuşa şəhərində Cənub yaşayış zonası-11 Blok-01/Yaşayış evi-1/Blok-A (Yeraltı dayanacaq ilə birlikdə), Blok-01/Yaşayış evi-2/Blok-B, Blok-01/Yaşayış evi-3/Blok-C, Blok-01/Yaşayış evi-4/Blok-D yaşayış binalarının tikintisi nəzərdə tutulur. 
Digər tenderlə Şuşa şəhərində Cənub yaşayış zonası blok-2, 4 ədəd yaşayış binasının tikintisi nəzərdə tutulur.
“Şuşa şəhərində Cənub yaşayış zonası-11 Blok-02/Yaşayış evi-5/Blok-E (Yeraltı dayanacaq ilə birlikdə), Blok-02/Yaşayışevi-6/Blok-F, Blok-02/Yaşayış evi-8/Blok-H (Yeraltı avtomobil dayanacağı ilə), Blok-02/Yaşayış evi-9/Blok-İ 3-5 mərtəbəli yaşayış binalarının tikintisi”.
İddiaçılar tender təklifi və təklifin təminatı istisna olmaqla bütün digər sənədləri 26 aprel  2022-ci il saat 15:00-a qədər Tender komissiyasına təqdim etməlidirlər.