"Özünə hörmət edən şəxsiyyət bu rəzil duruma düşməkdənsə, intihar edərdi, çünki son üç yüz ildə Rusiyanın dövlət başçılarından heç biri bu qədər aşağılanmayıb, bu qədər rəzil duruma düşməyib"

"Putini bütün hakimiyyəti boyu belə alçaldan olmamışdı. Bu hadisənin ən təhqiredici tərəfi isə ondan ibarətdir ki, Putin aşpazı tərəfindən açıq şəkildə aşağılandı". Hurriyyet.az xəbər verir ki, bunu politoloq Xaqani Cəfərli qeyd edib.

Politoloq hesab edir ki, bundan sonra bütün tərəf müqabilləri onu aşağılamağa çalışacaq: "Bir zamanlar "Time" jurnalının dünyaya ən nüfuzlu, ən güclü lider kimi təqdim etdiyi Putinin düşdüyü rəzil durum bundan ibarətdir. Özünə hörmət edən şəxsiyyət bu rəzil duruma düşməkdənsə, intihar edərdi. Çünki son üç yüz ildə Rusiyanın dövlət başçılarından heç biri bu qədər aşağılanmayıb, bu qədər rəzil duruma düşməyib".

Vazeh BƏHRAMOĞLU,

Hurriyyet.az