Anadangəlmə ürək qüsurlu əkiz qardaşlar – Hüseyn və Həsən Cəfərovlar təcili əməliyyat olunmalıdırlar. 
Yoldaşı hərbçi olan əkizlərin anası Rəmziyyə Cəfərovanın sözlərinə görə, əməliyyat üçün 35 000 dollar vəsait tələb olunur.
Dörd uşaq anası olan Rəmziyyə xanım bildirir ki, hazırda Həsən və Hüseynin vəziyyəti ağır qiymətləndirilir. Əkizlərin müalicə xərclərinin ödənilməsi üçün banka müraciət edilərək kredit vəsaiti əldə etdiklərini deyən Rəmziyyə xanım vəsaitin geri ödənişində çətinlik çəkdiklərini və gecikmələrin olduğunu qeyd edib:
“Yoldaşım hərbçidir. 17 ildir ki, vətənə xidmət edir. Kirayədə qalırıq və artıq dörd aydır ki, aylıq ödənişi edə bilmirik. Yoldaşımın aylıq məvacibi bankdan əldə etdiyimiz kreditin ödənilməsinə sərf olunur. Balaca qızım Filiz Cəfərova da skalioz və leykoz xəstəsidir. Qızım sərbəst hərəkət edə və yeriyə bilmir. Onu necə müalicə etmək lazım olduğunu da bilmirik”.
2016-cı il təvəllüdlü Həsən və Hüseyn Cəfərovlara yuxarı tənəffüs yollarının dəqiqləşdirilməmiş kəskin xəstəliyi, anadangəlmə ürək qüsuru diaqnozu qoyulub.


Ailəyə dəstək olmaq üçün qeyd edilən əlaqə vasitələri ilə ətraflı məlumat ala və ya kart hesabı ilə birbaşa maddi yardım göstərə bilərsiniz.
Kart hesabı Rəmziyyə Cəfərovanın adınadır.
Əlaqə telefonu (+994) 55 842 68 48