Əvvəlki Sonrakı

Təbrizdə hərbi vəziyyət elan edildi

15-01-2026, 21:37

ABŞ HƏR AN İRANI VURA BİLƏR Trampdan ard-arda sərt bəyanatlar

14-01-2026, 11:52

Etdikləri qarşısına çıxan Maduro: Venesuelanın ən dəhşətli həbsxanasında işgəncə maşını

7-01-2026, 21:19

DYP dumanlı hava şəraiti ilə bağlı sürücülərə xəbərdarlıq etdi

6-01-2026, 22:02

Ağdam şəhərində “Hilton Garden Inn Agdam” hoteli istifadəyə verilib

23-12-2025, 18:26

 Fındıqçılıqla məşğul olan fermerlər ÇƏTİN VƏZİYYƏTDƏ – Məhsuldarlıq az, qiymətlər ucuz...

Fındıqçılıqla məşğul olan fermerlər ÇƏTİN VƏZİYYƏTDƏ
“Bu il təbiətin şıltaqlığı, dolunun düşməsi təsərrüfalara ciddi ziyan vurdu. O cümlədən fındıq təsərrüfatlarında vəziyyət ürəkaçan deyil. Bu sahədə fəaliyyət göstərən fermerlərin satdığı məhsulun qiyməti az da olsa, inflyasiyaya uyğundur və özü-özünü indeksasiya edir. Yəni, bu məhsulu satan sahibkar ən azı qazandığı pula digər məhsul ala bilir”.

Sozcu.info bildirir ki, bu fikirləri Bizim.Media-ya açıqlamasında iqtisadçı ekspert Eldəniz Əmirov səsləndirib.

Ekspert bildirir ki, son illərdə fındığın ucuzlaşması bu sahənin inkişafına mənfi təsir göstərib.

“Bir neçə il əvvəl kiloqramı 4-5 manata satılan fındığı bu gün sahibkar 2-3 manata sata bilmir. Ötən il də qiymət aşağı düşdü. Yəni əksinə fındığın qiymətində hər hansı artım olmur. Bunun da bir sıra ciddi səbəbləri var. Ümumilikdə isə fındıqçılıqla bağlı vəziyyət digər kənd təsərrüfatı sahələrindən daha ağırdır”.

Kənd təsərüffatı üzrə ekspert Vahid Məhərrəmov da bildirib ki, fındıq sahələrinin çoxalması, eyni zamanda daxili tələbatın, alıcılıq qabiliyyətinin aşağı olması qiymətin ucuz olmasının əsas səbəbidir:

“Tələbi artıran amil heç də təklifin artması deyil. Bütün hallarda ölkə əhalisinin alıcılıq qabiliyyətinin artımı ilə tələbat, qiymət arta bilər. Ölkə əhalisinin alıcılıq qabiliyyəti getdikcə aşağı düşüb. Yəni, gərək fındığin alıcısı olsun ki, qiyməti artsın.

Son illərdə fındıqçılığın inkişafı ilə bağlı sahələr genişləndirilir ki, bununla da məhsuldarlıq aşağı düşür, istehsalda azalma yaranır. Dünya bazarında son 4-5 ildə fındığın qiyməti 2 dəfədən çox ucuzlaşıb. Əvvəllər də biz deyirdik ki, fındıqçılığı inkişaf etdirmək intensiv yolla olmalıdır. Sahələri genişləndirməklə ekstensiv yolla deyil”.

Ekspertin sözlərinə görə hələlik, bu məhsulun qiymətinin artması gözlənilmir:

“Rəqabət mühiti olsa, çox sahibkar fındığın daha dərin emalı ilə məşğul olar və o sahədən daha çox qazanc əldə edər. Bu məhsulun xaricə ixrac olunması əslində qiymətə təsir etməlidir”.

Vahid Məhərrəmov qiymətlərin aşağı olmasının fermerlərə mənfi təsir etdiyini də diqqətə çatdırıb.

Ekspert onu da vurğulayıb ki, bu sahəyə dövlət tərəfindən nəzarət olunmalıdır:

“Kənd Təsərrüfatı Nazirliyi fermerlərin problemi ilə maraqlanmalı, istehsalın neçəyə başa gəlməsini hesablamalıdır”.

Qeyd edək ki, Azərbaycan fındıqçılıq sahəsində ixtisaslaşmış ölkələrdən biri hesab olunur. Dünyada fındıq istehsalına görə ölkəmiz 5-ci sırada qərarlaşıb.


Oxşar Xəbərlər

JURNALİSTLƏRİN FƏALİYYƏTİNİ TƏNZİMLƏYƏCƏK YENİ QANUN LAYİHƏSİ - TAM MƏTN
Əgər İnam Kərimov nazirdirsə... -
Deputat Əli Məsimli ölkə iqtisadiyyatının durumunu şərh etdi:"ƏHALİNİN HƏR 4 NƏFƏRİNDƏN BİRİNİN BANKA BORCU VAR" - MÜSAHİBƏ
Pambığın alış qiymətinin artırılması nə vəd edir? - EKSPERT ŞƏRHİ

Xəbər lenti

PRİZMA

Türkiyənin Güney Azərbaycan qorxusu
Türkiyənin Güney Azərbaycan qorxusu

MÜSAHİBƏ

TƏHLİL

Elmə, tələbəyə, torpağa və ailəyə sədaqətlə həsr olunmuş ömür
Elmə, tələbəyə, torpağa və ailəyə sədaqətlə həsr olunmuş ömür -FOTO

SOSİAL