Rusiya Prezidenti Vladimir Putin Daxili İşlər Nazirliyinin bir neçə yüksək rütbəli məmurunu vəzifələrindən azad edib. 
Sozcu.info xəbər verir ki, bu barədə “Kommersant” qəzeti məlumat yayıb. Qəzetin yazdığına görə, 5 general bir anda vəzifələrindən uzaqlaşdırılıb. Onlar içərisində Moskva polisinin rəis müavinləri, həmçinin, Daxili İşlər Nazirliyinin mərkəzi aparatında yüksək vəzifələr tutan 2 general var.
Məlumata görə, onlardan bəziləri bir neçə il əvvəl cinayət təqibinə məruz qalan Kamçatka polis rəisinə “kupça” verdikləri üçün vəzifələrini itiriblər.