Rusiya prezidenti Vladimir Putinin neftin qiymətinin 100 dollardan yuxarı qalxa biləcəyi barədə sözləri Rusiya, Yaponiya, Hindistan və hətta Çini qorxuya salıb.
Sozcu.info xarici agentliklərə istinadən xəbər verir ki, bu barədə “Bloomberg” portalı məlumat yayıb.
Məqalə müəlliflərinin sözlərinə görə, adı çəkilən ölkələr buna görə OPEK+ təşkilatı ölkələrinə neft hasilatını artırmaq üçün diplomatik təzyiqləri artırıblar.

“Bayden administrasiyası neft qiymətlərinin son 7 ilin zirvə nöqtəsinə çatmasından olduqca əndişəlidir. Buna görə amerikalı diplomatlar həftələrdir OPEK ölkələrinin qapılarını döyüb onları daha çox neft çıxarmağa çağırırlar”,-deyə yazıda bildirilir.

Hətta Yaponiya belə bu kampaniyaya qoşulmaq məcburiyyətində qalıb. Çin hökuməti səssizliyini qorusa da onların da neftin əsas idxalçılarına dəstək verdiyi bilinməkdədir.

Xatırladaq ki, bu həftənin birinci günündən etibarən ABŞ-ın WTI neft markasının bir bareli 85 dollardan yuxarı qalxıb. 2014-cü ilin oktyabrından bu yana ilk dəfədir dekabr ayının füçersləri artıq 85,03 dollardan satılır. Yanvar füçerslərinin 85,59 dollara çatması gözlənilir.

Pandemiya ilə əlaqədar neftə olan tələbatın azalması fonunda OPEK+ hasilatı gündə 9,7 milyon barelə qədər azaltmışdı.