“Azərbaycanın peşəkar kadr potensialının gücləndirilməsinə, həmçinin raqabət və inkişaf mühitinin dinamikliyinin artırılmasında bu sərəncamın böyük töhfəsi olacaq”.
Bu fikirləri Milli Məclisin Təbii ehtiyatlar, energetika və ekologiya komitəsinin sədri, texniki elmlər üzrə fəlsəfə doktoru Sadiq Qurbanov Prezidentin Azərbaycan gənclərinin nüfuzlu xarici təhsil müəssisələrində təhsil imkanlarının genişləndirilməsi haqqında sərəncamını şərh edərkən deyib.
Deputat qeyd edib ki, Prezidentin uzun illər davam edən neft kapitalının insan kapitalına çevrilməsi strategiyasının tərkib hissəsi olan bu sərəncam Azərbaycanın gənc kadr potensialının artırılmasında mühüm rol oynayacaq. S.Qurbanovun sözlərinə görə, sözügedən sərəncamın postpandemiya və yeni starteji dövrün çağırışlarının nəzərə alınmaqla yüksək intellektli şəxslərin cəmiyyətin əsas güc mənbəyinə çevrilməsi, o cümlədən ölkənin rəqabət və inkişaf sahəsində sürətli irəliləməsinin təmin olunması istiqamətində atılmış çox mühüm addımdır.
Komitə sədri onu da xüsusi olaraq vurğulayıb ki, hazırkı sərəncam Azərbaycan Respublikasının Prezidenti tərəfindən təsdiq edilmiş “Qüdrətli dövlət və yüksək rifah cəmiyyəti Azərbaycan 2030: sosial-iqtisadi inkişafa dair Milli Prioritetlər”in tərkib hissəsi olan növbəti onillikdə ölkənin sosial-iqtisadi inkişafına dair müəyyən edilmiş, dayanıqlı artan rəqabətqabiliyyətli iqtisadiyyat, dinamik, inklüziv və sosial ədalətə əsaslanan cəmiyyət, rəqabətli insan kapitalı və müasir innovasiyalar məkanı prioritetlərinin gerçəkləşməsinə əvəzedilməz qatqısı olacaq.