Rəcəb Tayyib Ərdoğan gələn ay Səudiyyə Ərəbistanına səfər edəcək.
Sozcu.info "Reuters"ə istinadla xəbər verir ki, bu barədə Türkiyə prezidentinin özü məlumat yayıb.
“Məni fevralda gözləyirlər. O, söz verdi və mən fevralda Səudiyyə Ərəbistanına səfər edəcəyəm”, - deyə Ərdoğan adçəkmədən qeyd edib.
Səudiyyə Ərəbistanına ixrac son illərdə ölkələr arasında qeyri-sabit münasibətlər ucbatından kəskin şəkildə azalıb. Ölkə iqtisadiyyatı valyutanın çökməsi və inflyasiyanın sürətlə artması fonunda Türkiyə hazırda Birləşmiş Ərəb Əmirlikləri də daxil olmaqla regional güclərlə münasibətləri düzəltməyə çalışır.
Səudiyyə Ərəbistanı hökumətinin mətbuat xidməti hələlik Ərdoğanın açıqlamasına münasibət bildirməyib.
Türkiyə prezidenti dekabr ayında Qətərə səfəri zamanı Səudiyyə Ərəbistanının vəliəhd şahzadəsi Məhəmməd bin Salmanla görüşə təkan verib. Daha sonra görüş baş tutmasa da, məlumatlı mənbələr bunun yaxın vaxtlarda baş tuta biləcəyini bildiriblər.
Rəsmi Ankara ilə Səudiyyə Ərəbistanı arasında gərginliyə jurnalist Camal Xaşacinin qətli səbəb olub.