Türkiyə Prezidenti Rəcəb Tayyib Ərdoğanın qərarı ilə təhlükəsizlik toplantısı keçiriləcək.

Sozcu.info xəbər verir ki, iclas 13 yanvar, yerli vaxtla saat 14.30-da İstanbulda yerləşən Dolmabahçe sarayında baş tutacaq.

Ərdoğanın sədrliyi ilə keçiriləcək toplantıda xarici işlər naziri Hakan Fidan, daxili işlər naziri Ali Yerlikaya, milli müdafiə naziri Yaşar Güler, Baş Qərargah rəisi, ordu generalı Metin Gürak, Milli Kəşfiyyat Təşkilatının sədri İbrahim Kalın iştirak edəcək.

Toplantıda terrorla mübarizə kimi mühüm məsələlərin müzakirə olunacağı gözlənilir.

musavat.com