Azərbaycan və Tacikistan əməkdaşlığın yeni yollarını inkişaf etdirir. Belə ki, məlumata görə, Azərbaycan Tacikistanda alüminium əritmə zavodunun yenidən qurulmasına investisiya qoymaq niyyətindədir. Müqaviləyə uyğun olaraq, Bakı Tacikistan Alüminium Şirkətinin (TALCO) əsaslı təmiri üçün maliyyə vəsaitinin cəlb edilməsinə yardım edəcək.

Düşənbə Azərbaycandan alüminium, kriolit və alüminium flüorid, həmçinin alüminium oksidi idxal edəcək.

Bundan əlavə, Bakı və Düşənbə mühüm platforma - BMT-nin Mərkəzi Asiya İqtisadiyyatları üzrə Xüsusi Proqramı (SPECA) vasitəsilə də münasibətlərini möhkəmləndirib. 2023-cü ilin noyabr ayının sonunda Bakıda keçirilən SPECA Həftəsi zamanı ölkələr müxtəlif gündəlik məsələləri, o cümlədən davamlı inkişaf məqsədlərinə nail olmaq istiqamətində irəliləyiş, nəqliyyat və enerji sektorlarında əməkdaşlıq və s. məsələləri müzakirə ediblər.