"IIl ixtisas qrupu üzrə 14128 nəfər abituriyent 200-dən çox bal toplayıb, 150-dən çox bal toplayan abituriyentlərin sayı isə 16567 nəfərdir".

"AzPolitika.info" xəbər verir ki, bunu qrup üzrə nəticələri təhlil edən təhsil eksperti Kamran Əsədov bildirib. Onun sözlərinə görə, 2020-ci ildə III qrupda 200-dən çox bal toplayanların sayı 15368 nəfər, 150-dən çox bal toplayanlar isə 17964 nəfər abituriyent olub.
"2021-ci ildə III ixtisas qrupu üzrə 12853 plan yeri ayrılıb ki, onun da 4353 plan yeri ödənişsiz plan yeridir. 2020-ci ildə isə 12286 plan yeri ayrılmışdı, onun da 4256 plan yeri ödənişsiz idi",-deyə təhsil eksperti qeyd edib.
K. Əsədov hesab edir ki, III qrupda müsabiqə şərtlərini ödəyən abituriyentlərin azı 4 min nəfərdən çoxu ali məktəblərə qəbul ola bilməyəcək: "III ixtisas qrupu üzrə 650-dən çox bal toplayanların sayı 83, 600-dən çox 617, 550-dən çox 1547, 500-dən çox 2864 abituriyent olub ki, 2020-ci ildə bu göstərici 650-dən çox 88, 600-dən çox 555, 550-dən çox 1440, 500-dən çox 2714 abituriyent olub".
Ekspert qeyd edib ki, III ixtisas qrupu üzrə Prezident təqaüdünü 670-dən çox bal toplamış abituriyentlər ala biləcək.
"Bu il II ixtisas qrupu üzrə nəticələr 2020-ci illə müqayisədə ciddi fərqlənmir. Yüksəl bal toplayanlar azalsa da, orta bal toplayan abituriyentlərin sayı artıb"- deyə K. Əsədov vurğulayıb.