“Yeni Sözçü” qəzetinə Yardımlı rayon Zevin kənd sakini Maqsud Əlisahib oglu Bıgəluyev tərəfindən şikayət məktubu daxil olmuşdur.
Həmin məktubu olduğu kimi hörmətli oxucuların diqqətinə çatdırırıq.
Hörmətli redaksiya!

Mən, Yardımlı rayon Zevin kənd sakini Bəgəliyev Maqsud  Əlisahib oglu ali təhsilli mühəndisəm. 1987-ci ildə Azi-ni bitirmişəm. Həmin vaxtdan da Yardımlı rayon  Elektrik Şəbəkəsində mühəndis vəzifəsində işləmişəm.
2017-ci il aprelin 11-də həmişəki kimi işə getmişəm və həmin vaxt işdə qəza baş verib.Agır xəsarət almışam,sol ayağım dizdən aşağı qəlpə sınıqlarıdır.Həmçinin başımdan da ağır zədə almışam.Bununla əlaqədar Biləsuvar rayon xəstəxanasında əməliyyat olunmuşam. Vəziyyətim agırlaşdıgından oradan Sumqayıt travmatologiya xəstəxanasına gətirilmişəm.Orada yenidən əməliyyat olunmuşam. Eyni zamanda başımdan da müalicə almışam.Ayagımdakı millər üç ildən bir dəyişdirilməlidir.Onları ömürlük daşımalı olacagam.
Xəstəxanada bir il altı ay yatmşam.Orada mənə  yeddi ay bülleten pulu verilib.
Xəstəxanadan çıxandan sonra mən "Azərişıga"müraciət etmişəm ki, mənə dəyən maddi-mənəvi ziyanı ödəsinlər.Lakin  rədd cavabı aldım.
Məcbur olub Bakı şəhər Nəsimi rayon məhkəməsinə müraciət etdim.Orada iddia qaldırdım ki, mənə verilən əlilliyin  yanlış qeyd olunan səbəbi dəyişdirilsin.Məhkəmə iddiamı təmin etmədi və mən apelyasiya məhkəməsinə üz tutdum.
Məhkəmə iddiamı qəbul etdi və mənə dəyən maddi  və mənəvi ziyanın ödənilməsinin təmin edilməsi barədə qərar çıxardı.
Qarşı tərəf qərardan narazı olduğundan,işi Ali Məhkəməyə verdi.Məhkəmə "Azərişıqın" iddiasını rədd edərək apellyasiya məhkəməsinin qərarını qüvvədə saxladı.Lakin "Azərişıq"
məhkəmə qərarını saya salmır.
Respublika Əlillərin Bərpa  Mərkəzində Cavid həkim mənə bildirdi ki, iddianın təmin olunması üçün"Azərişıq" onlara sorğu göndərməlidir.Onu al gətir.Amma hazırda "Azərişığa"rəhbərlik edən Vüqar Əhmədov və müavini Tanrıverdi Mustafayevə müraciətlərim  nəticəsiz qaldı.Mənə bildirdilər ki, sorğu verən deyillər.İndi iki aydır ki,iki idarənin arasında get-gəldə qalmışam.
İdarənin söz sahibləri Tanrıverdi Mustafayev və Vüqar Əhmədov sadə əmək adamlarının qanuni haqlarını beləcə yeyib üstündən də su içirlər.Onlara bildirəndə ki, dövlət başçısına, birinci xanıma müraciət edəcəm, cavabında , kimə istəyirsən şikayət elə, biz heç kimdən qorxmuruq.
Hörmətli redaksiya, xahiş edirəm ki, hüquqlarımın müdafiəsi işində ,düşdüyüm çətin və mürəkkəb vəziyyətdən çıxmaqda  mənə kömək əli uzaqdasınız.

Bəgəliyev Maqsud Əlisahib oglu
Yardımlı rayonu
15.11.2021-ci il.