Bu yaxınlarda Gənclər və İdman naziri Fərid Qayıbovun Ağstafa Gənclər və İdman idarəsinə müdür təyin etdiyi Əziz Məsmalıyev əvvəllər RİH-də humanitar sahəyə cavabdeh müavin Lalə Eyyubovanın pul yığanı imiş.Hazırda nazir Fərid Qayıbov Əziz Məsmalıyevi daha yüksək vəzifəyə idarə rəisi qoyub.Bu da gənc nazirin apardığı islahat.

Qeyd edək ki,Ağstafa İcra Hakimiyyətində 1-ci müavin olmuş,rüşvət və korrupsiya hallarına görə,həbs olunmuş Ramiz Tatarov artıq "yaxın silahdaşları" haqqında “sukalıq”edir, onları baqaja qoyur.O, Nizaməddin Quliyev ölən kimi bir sıra açıqlamalar verib, özünü sığortalamaq yolunu tutub. Amma bunları edərkən müəyyən faktların da üstünü açıb. Belə ki,Ramiz Tatarov bildirib ki, aldığı rüşvəti ona RİH-nin müavini Lalə Eyyubova verib. Lalə Eyyubova isə  verilmiş toplam pulu özü almadığını, ona bu pulu əvvəllər müavini işləmiş Əziz Məsmalıyevin gətirdiyini bildirib. O, açıqlamasında Əziz Məsmalıyevin Qırlı kənd uşaq bağçasının müdirindən 2000 min manat, Poylu qəsəbə 2 saylı uşaq bağçasının müdirindən 1000 manat,bağça müdiri Xalidə Hidayətqızından 1500 manat, Köçəskər kənd 1 saylı uşaq baxçasının müdiri Sevda Rəhimovadan 2500 manat rüşvət alaraq verib. Başqa uşaq bağçaları və təhsil müəssisələri ilə də Əziz Məsmalıyev "işləyib"- deyə, Lalə Abbasova açıqlamasında bildirib. Bununla bir-birini ifşa ediblər. İndi bunlardan biri  Ağstafa Gənclər və İdman idarəsində müdir, digəri hələ də Ağstafa RİH-də müavin işləyir.

Qeyd edək ki, Report.az-ın yaydığı məlumatda Ağstafa  RİH-də humanitar sahəyə cavabdeh müavin Lalə Eyyubova özü etiraf edib ki, rüşvəti Əziz Məsmalıyev vasitəsi ilə yığıb. Bunu aşağıdakı linkə keçid verməklə oxumaq olar. İndi isə Ə.Məsmalıyev Ağstafa Gənclər və İdman idarəsini göyə "sovurur."Görünür gənc nazirin hələ Ağstafadakı kadrının əməllərindən xəbəri yoxdu. Yoxsa quzunu qurda tapşırmazdı.

https://report.az/hadise/agstafanin-icra-bascisinin-muavini-rusvet-aldigini-etiraf-edib-ittiham-akti/

P.S. Qarşı tərəfin mövqeyini də dinləməyə hazırıq.

Sozcu.info