Ermənilərin tarixən Azərbaycana qarşı işğalçılıq və təcavüz siyasəti yalnız 10 minlərlə insanımızın qətli, itkin düşməsi deyil, eyni zamanda, ermənilərin mənəvi dəyərlərimizə qarşı vəhşilikləri ilə səciyyələnir. Məlumdur ki, ermənilər işğal etdikləri Azərbaycan ərazilərində 152 müqəddəs abidəni və 62 məscidi talan edib, 927 kitabxanada olan 4,6 milyon nüsxə kitabı, o cümlədən müqəddəs Quran və nadir İslam əlyazmalarını yandırmaqla məhv ediblər. Bundan əlavə çoxlu sayda tarixi, mədəni və islam abidələrini və nümunələri işğal olunmuş ərazilərdən Ermənistana aparılıb. Onların çoxu dünyada keçirilən hərraclar vasitəsilə satışa çıxarılıb.Ermənilərin bu vəhşiliyi təkcə Azərbaycana qarşı deyil,eyni zamanda, İslam dünyasına, ümumilikdə insanlığa qarşı törədilən cinayətdir.
Azərbaycan respublikasının prezidenti cənab İlham Əliyev 04.02.2022-ci il tarixində təsdiq olunmuş Azərbaycan Respublikasının xüsusi nümayəndəlikləri haqqında Əsasnaməni əsas tutaraq Şərqi Zəngəzur İqtisadi rayonuna daxil olan Zəngilan rayonunda xüsusi nümayəndə təyin olunan Vahid Hacıyev ilə videogörüşü zamanı Zəngilan rayonunda aparılacaq bərpa işləri barədə geniş söhbət açmışdır. Cənab prezident qeyd etmişdir ki, Zəngilanda mövcud olan acı mənzərə azad edilmiş bütün başqa torpaqlarda da mövcuddur. “Biz azad olunmuş bütün torpaqlarımızı bərpa edəcəyik.” 
Bildiyimiz kimi Zəngilan rayonu birinci rayondur ki, artıq keçmiş məcburi köçkünlər yaxın gələcəkdə oraya qayıdacaqlar. Bütün görüləcək işlərin baş planında təhlükəsizlik, rahatlıq, rifah, məşğulluq və gələcək inkişaf durur. 
Cənab Prezident eyni zamanda qeyd etdiyi kimi Zəngilan rayonunda aparılan ən böyük infrastruktur işlərinin biri Zəngilan Beynəlxalq Hava Limanının istismara veriləcəyidir. Zəngilan rayonunun coğrafi mövqeyi, beynəlxalq bazarlara yaxın olması böyük strateji əhəmiyyət daşıyır. Rayonun coğrafi mövqeyi ilə yanaşı iqlimi də çox əlverişlidir. Bununla əlaqədar orada kənd təsərrüfatı ilə yanaşı digər məşğulluq sahələrinə də geniş imkanlar vardır. Zəngilanın qızıl yataqları uzun illər erməni vandalları tərəfindən talanmişdir. Bununla yanaşı, torpaqlarımızın ekologiyasına da böyük ziyan dəymişdir. Əlli-altmış min hektardan məşə sahəsi məhv edilmişdir. 
Bəşəriyyətə qarşı mənfur əməlləri ilə özlərini gələcəksizliyə məhkum etmiş ermənilərin dağıdıcılıq əməlləri cavabsız qalmayacaq. Onlar bu vəhşiliyə görə beynəlxalq məhkəmələr qarşısında cavab verməli olacaqlar.
Xalqımız bu müqəddəs amallar uğrunda savaşan öz qəhrəman liderinə daim böyük sevgi və inam hissi ilə yanaşmışdır. Nəyi nə zaman edəcəyini bilən Ali Baş Komandan ata nəsihətini yerinə yetirərək bizi doğma torpaqlarımıza qovuşdurdu. O torpaqlarda parlaq gələcək bizimlədir.
Suraxanı rayonu 89 nömrəli tam orta məktəbin direktoruDadaş Baba-zədə