"Bəzi dəri problemləri qandakı təhlükəli xolesterol səviyyəsini göstərə bilər".
Publika.az "Daily Express"ə istinadla xəbər verir ki,bunu isveçli onkoloq Katarina Svanberq deyib.
Mütəxəssisin fikrincə, xolesterol səviyyəsi uzun müddət normanı keçərsə, dərinin səthində ksantoma adlanan kiçik sarımtıl sızanaqlar əmələ gələ bilər:
"Kəskin və sarımtıl sızanaqlar tez-tez göz qapaqlarında və ya ətrafında görünür. Bu neoplazmalar zərərsizdir. Üzdə ksantoma aşkarlanırsa, həkimə müraciət etmək və qan testindən keçmək məsləhətdir. Xolesterol vaxt keçdikcə damarlarınızda da əmələ gələ bilər. Bu da damarların tıxanmasına səbəb olur. Nəticədə infarkt və ya insult riski artır".