400-dən çox rusiyalı muzdlu Kiyevdə prezident Volodimir Zelenski və hökumət nümayəndələrinə sui-qəsd etmək və Moskvanın nəzarəti ələ alması üçün zəmin hazırlamaq üçün Kremlin əmri ilə fəaliyyət göstərir.  

Bu barədə “The Times” nəşri məlumat yayıb.  

“Rusiya Prezidenti Vladimir Putinə yaxın şəxs tərəfindən idarə olunan “Vaqner” özəl hərbi şirkəti beş həftə öncə Zelenski hakimiyyətini başsız qoymaq missiyası ilə Afrikadan muzdlular göndərib. Ukrayna hökumətinə sözügedən missiya fevralın 26-da çatıb və bir neçə saat sonra paytaxt Kiyevin Rusiya diversantlarından təmizlənməsi üçün 36 saatlıq komendant saatı elan edilib” – deyə məlumatda qeyd edilib.