Tiflisdə Kremlyönlü ultrasağçı "Alt-info"təşkilatının etiraz mitinqi başlayıb. Yürüş Saakadze meydanından hərəkət edir. Aksiyaya bir neçə min insan qoşulub.
Səslənən şüarlar arasında Qərb və LGBT əleyhinə şüarlar da var. “Xarici agentlər” haqqında qanuna etiraz aksiyasında iştirak edən gənclərdən təhqirlər eşidilib. Son xəbərlərə görə, Kremlpərəst ifrat sağçı "Alt-info" təşkilatının etirazçı tərəfdarları Gürcüstan parlamentinin qarşısında qoyulmuş Aİ bayrağını endirərək yandırıblar.

Aksiyanın təşkilatçıları 3 tələb irəli sürüblər. Onlar tələb edirlər: referendum keçirilsin və “agentlər öz adları ilə çağırılsın”, o cümlədən iyulun 5-də həbs olunanlar azad edilsin və onların fikrincə “çevrilişi təşkil edənlər” “nümunəvi şəkildə cəzalandırılsın”.