46 saylı Sumqayıt beşinci seçki dairəsindən Milli Məclisin deputatı  Elnarə Akimovanın seçicilərlə müntəzəm görüşləri davam edir. Deputat bu dəfə Xəzər Bağları ərazisində yaşayan sakinlərlə görüşərək onların qayğı və problemlərini dinləyib, hər bir sakinlə fərdi şəkildə söhbət aparıb.

Sozcu.info xəbər verir ki, Elnarə Akimova görüş zamanı ərazidə olan sosial və məişət problemləri ilə yaxından tanış olub. O, sakinlərin səsləndirdiyi problemləri diqqətlə nəzərdən keçirib və həlli istiqamətində lazımi addımların atılacağını vurğulayıb. 

Deputat Elnarə Akimova həmçinin şəhid ailəsinə də baş çəkib. O, Vətən müharibəsində qəhrəmanlıq göstərərək şəhidlik zirvəsinə yüksəlmiş Qubad Əliyevin ailəsini ziyarət edib. Elnarə Akimova ailənin qayğıları ilə maraqlanıb və dövlətin şəhid ailələrinə olan dəstək siyasətinin davam etdiyini bildirib.