Xəbər verdiyimiz kimi, Qaradağın icra başçısı Süleyman Mikayılov Prezident İlham Əliyev Sərəncamı ilə vəzifəsindən azad edilib.

“Qafqazinfo” sabiq icra başçısının dosyesini təqdim edir:

O, 1962-ci ilin aprelin 27-də doğulub.

1979-cu ildə Naxçıvan şəhər 2 saylı orta məktəbini, 1984-cü ildə Azərbaycan Dövlət Bədən Tərbiyəsi İnstitutunu, 2004-cü ildə isə Bakı Dövlət Universitetinin Hüquq fakültəsini bitirib.

1979-cu ildə Naxçıvan şəhər Uşaq idman məktəbində məşqçi kimi əmək fəaliyyətinə başlayıb.

1984–1994-cü illərdə Naxçıvan şəhər orta ixtisas musiqi məktəbində bədən tərbiyəsi rəhbəri kimi fəaliyyət göstərib.

1995–1999-cu illərdə Bakı Baş Gömrük İdarəsinin Qaçaqmalçılıq və Gömrük Qaydalarının Pozulmasına Qarşı Mübarizə şöbəsinin rəisi, idarə rəisinin birinci müavini və idərə rəisi vəzifələrində çalışıb.

1999–2001-ci ildə Dövlət Gömrük Komitəsinin İşlər İdarəsi rəisinin müavini, bir müddət Vergilər Nazirliyinin Operativ Nəzarət İdarəsinin rəisi işləyib.

2003-cü ildən Boks Federasiyasının vitse-prezidentidir. 3 noyabr 2010-cu ildən 2014-cü ilə qədər Beynəlxalq Boks Assosiasiyasının İcraiyyə Komitəsinin,16 aprel 2015-ci ildən etibarən Avropa Boks Konfederasiyasının İcraiyyə Komitəsinin üzvü olub.

2005-ci ildə 8 ay müddətinə Yardımlıya rəhbərlik etdikdən sonra 2005–2010-cu illərdə Lənkəran şəhər İcra Hakimiyyətində başçı olub.

2010-cu ildən isə Qaradağa başçı təyin edilib.

Ailəlidir, iki övladı var.

Hazırladı: Bəsti Məmməd