L.Quliyeva bildirib ki, Fidan Hüseynova fransalı müğənni Lara Fabianın konsertində səhnəyə çıxaraq mahnı ifa etməsi ilə yadda qalıb: "Onun həmçinin Elnur Hüseynovla dueti var. Fidanın ifa edəcəyi mahnı hələlik məlum deyil, yarışmanın qaydalarına əsasən, mahnı ifaçının iştirakı ilə yazılacaq. Azərbaycan istedadlar ölkəsidir. Niyə də bizim uşaqlarımız haqqında dünyada məlumat olmasın. Əgər belə bir imkanımız varsa, niyə də bundan yararlanmayaq. Bu, bizim istedadlı uşaqlar üçün böyük bir stimuldur”.