Milan yaxınlığındakı Peskyera-Borromeo şəhərində poçt işçiləri Papa Fransiskə ünvanlanan və içində 3 güllə olan bir zərf aşkar ediblər.
Sozcu.info“Messaggero” qəzetinə istinadən xəbər verir ki, məktub sortlaşdırma prosesi zamanı gecə tapılıb. 
"Papaya, Vatikan şəhəri, Müqəddəs Pyotr Meydanı" ünvanlı və içində 9 mm diametrli 3 güllə olan zərf müsadirə edilib. 
Ehtimal olunur ki, o, Fransadan göndərilib. 
“Corriere della Sera” qəzetinin qeyd etdiyi kimi, zərfin içərisində Vatikandakı maliyyə əməliyyatlarından bəhs edən bir qeyd də olub.