Bu gün Yevlax-Zaqatala-Gürcüstan sərhəd magistral yolunun Zaqatala rayonu Mazıx kəndi ərazisində yol-nəqliyyat hadisəsi baş verib.
Sozcu.info məlumatına görə, “Qazel” markalı yük avtomobili hərəkətdə olarkən idarəetməni itirib və nəticədə ərazidən axan çayın üzərindəki körpüdən aşıb. 
Hadisə zamanı sıxılmış vəziyyətdə qalan sürücünü xilas etmək üçün hadisə yerinə Fövqaladə Hallar Nazirliyinin (FHN) Zaqatala rayon Dövlət Yanğından Mühafizə Hissəsinin yanğınsöndürən və xilasediciləri cəlb edilib.
Hazırda sürücünün maşından xilasetmə prosesi aparılır.