Əfqanıstan Müdafiə Nazirliyinin paytaxt Kabilin mərkəzi hissəsində yerləşən xəstəxanasının yaxınlığında ikinci güclü partlayış baş verib.
Sozu.info yerli Tolo News telekanalına istinadla xəbər verir ki, hazırda xarici diplomatik missiyaların da yerləşdiyi Vəzir-Əkbər-Xan məhəlləsində hücum edənlərlə “Taliban” hərəkatının döyüşçüləri arasında atışma gedir.
Telekanalın məlumatına görə birinci partlayış 400 çarpayılıq xəstəxana binasının girişinin yaxınlığında, ikincisi isə onun ətrafında törədilib.
Törədilən partlayış nəticəsində 15 nəfər öldüyü, 34 nəfərin yaralandığı bildirilir.