Gəncədə piyada ölümü müşahidə edilən qəza baş verib. 
Daxili İşlər Nazirliyindən (DİN) Sozcu.info-ya verilən məlumata görə, hadisə aprelin 13-də saat 10 radələrində Gəncə şəhəri ərazisində qeydə alınıb.
Belə ki, şəhər sakini R.Kərimov idarə etdiyi “VAZ-2174” markalı avtomobillə yolu keçən Samux rayon sakini Vüsal Əhmədovu vurub. Nəticədə xəsarətlə xəstəxanaya yerləşdirilmiş piyada orada ölüb.
Hazırda Gəncə ŞBPİ-nin 2-ci Polis Şöbəsində araşdırma aparılır.