Zaqatala Rayon Polis Şöbəsinin əməkdaşları tərəfindən keçirilən tədbirlər zamanı karantin qaydalarının pozulduğu toy mərasimi aşkarlanıb.
DİN-in Mətbuat Xidmətinin Şəki regional qrupundan sOZCU.INFO-a verilən məlumata görə, yoxlamalar zamanı rayonun Yolayrıc kəndində Nazim Buraqova məxsus evin həyətində təşkil edilən toy mərasimində iştirak edən qonaqların əksəriyyətinin,eləcə də mərasim sahibinin COVID-19 pasportu olmadığı, masalararsı məsafənin gözlənilmədiyi müəyyən edilib. Aşkarlanmış qayda pozuntularına görə, N.Buraqov inzibati məsuliyyətə cəlb olunaraq 400 manat cərimələnib.