Dələduzluqda təqsirləndirilən Orxan Məhərrəmova hökm oxunub və o, 6 il 6 ay müddətinə azadlıqdan məhrum edilib.
Sozcu.info xəbər verir ki, bu barədə hökm Bakı Ağır Cinayətlər Məhkəməsinin hakimi Fikrət Qəribovun sədrliyi ilə keçirilən prosesdə elan olunub.
Qeyd edək ki, Məhərrəmov Orxan Nazim oğlu dayısı Əliyev Amil Famil oğlunun 1 milyon 400 min manatını dələduzluq yolu ilə ələ keçirməkdə təqsirli bilinir.
Daxili İşlər Nazirliyinin məlumatına əsasən, zərərçəkmişin şikayəti əsasında Bakı Şəhər Baş Polis İdarəsində ibtidai istintaqı aparılıb və cinayət işi üzrə 2019-cu ilin dekabrında Cinayət Məcəlləsinin 178.3.2-ci (dələduzluq) maddəsi ilə axtarış elan olunub.